Iha loron 12 fulan Outubru tinan 1989, Amu papa João Paulo II vizita mai Timor no halo missa ida iha tasi-tolu, Díli. Vizita ne’e halo ema barak maka kontenti liu-liu joven sira ne’ebé luta ba ita nia ukun rasik an tanba eventu ne’e sai hanesan oportunidade ba sira atu bele hatudu luta Timor oan sira nian ba mundu internasionál liu husi jornalista internasionál sira ne’ebé partisipa mos iha eventu ne’e.
Vizita ne’e hanesan vizita internasionál Primeiru ne’ebé akontese durante invazaun. Kuandu Amu papa João Paulo II halo hela nia missa ne’ebé partisipa husi ema 100.000 iha grupu joventude ki’ik oan ida hatudu banner no hakilar ho slogan ne’ebé husu ukun rasik an no protesaun ba direitu umanu.
Demonstrasaun ne’e mos sai nu’udar demonstrasaun aberta Primeiru durante invazaun. iha eventu ne’e akontese mos konfrontasaun entre joven sira ho autoridade seguransa sira no polísia Indonézia nian.
