Prof. Marisa Ramos Gonçalves husi nasaun Portugal nu’udar Akademista Portugeza ida iha Universdade Coimbra ho esperiénsia peskizadór ba direitus umanus iha Timor-Leste no jerasaun kontemporáriu. Nia sempre vizita Timor-Leste no halo peskiza kona-ba Chega! no arkivu CAVR. Nia hasai ninia doutoramentu (Ph.D) iha 2015 ho títulu “Intergenerational Perception of Human Rights in Timor-Leste: Memory, Culture and Modernity” ka Persepsaun Interjerasionál ba Direitus Umanus iha Timor-Leste: Memória, Kultura no Modernidade. Ninia interasaun ho juventude Timoroan hatudu katak sira iha koñesimentu ne’ebé menus kona-ba violasaun direitus umanus ne’ebé halo durante okupasaun Indonézia. Nia iha interese servisu hamutuk ho Centro Nacional Chega!I.P no Akademista Timoroan sira iha UNTL no iha fatin seluk atu dezenvolve kursu kona-ba sidadania globál. Atualmente, nia halo hela peskiza edukasaun nu’udar instrumentu libertasaun iha Mozambique no Timor-Leste. Prof. Marisa Ramos Gonçalves nu’udar Membru Konsellu Asesoria Internasional (KAI) Centro Nacional Chega!I.P ba periodu 2023-2026.
Prof. Sandra Marisa Martins Ramos Gonçalves – Membru Konsellu Asesoria Internasional CNC I.P Husi Portugal
February 22, 2025, 13:52 pm
AnteriorProf. David Scott Webster - Membru Konsellu Asesoria Internasional CNC I.P Husi Kanada
PróximoGaluh Wandita Soedjatmoko – Membru Konsellu Asesoria Internasional CNC I.P Husi Indonezia
