Dili – (28 Fevereiru 2024), Diretór Ezekutivu Centro Nacional Chega!I.P, Hugo Maria Fernandes asina nota entendementu ho parseiru estratéjiku tolu (3) mak hanesan, APPSTIL, ASSEPOL no AVKP 1974-1999 atu hametin kooperasaun servisu.

CNC asina nota entendementu ho APPSTIL

Centro Nacional Chega!I.P asina nota entendementu ho Asosiasaun Profissionais Psikolojia Timor-Leste (APPSTIL), ne’ebé realiza iha Salaun Gabinete Apoiu Orgaun Centro Chega! (GAO-CC), Antigo Comarca Balide-Dili.

Objetivu prinsipal husi asina nota entendementu ne’e mak atu fó apoiu fundu ba APPSTIL atu hala’o sira nia atividade ka programa durante tinan 2024. Apoiu ne’ebé Centro Nacional Chega!I.P fó ba APPSTIL ho orsamentu hamutuk $ 18,000.00 (Dollar Amerikanu Rihun Sanulu resin Ualu).

Centro Chega! apoiu fundu ba APPSTIL durante tinan ida (1) validu hahú husi data asina nota entendementu no remata iha loron 31 fulan Dezembru 2024.

Nota entendementu ne’e halo atu responde ba misaun  Centro Chega! mak promove implementasaun rekomendasaun CAVR relasiona ho institusionalizasaun memoria no promosaun direitus umanus atraves edukasaun, formasaun, no solidariedade ba sobreviventes vulneravel liu husi violasaun direitus umanus no mos promove rekomendasaun Chega! no CVA kona-ba konstrusaun sentru nasional memoria, peskiza no aprendizajen no implementasaun ba rekomendasaun Chega! kona-ba estadu Timor-Leste hodi taumatan ba ema hirak ne’ebé sei kontinua nafatin lori terus fiziku ka mental ka forma tratamentu desumanu no hatun ema nia dignidade iha sosiedade.

CNC asina nota entendementu ho ASSEPPOL

Centro Nacional Chega!I.P asina nota entendementu ho Assosiasaun Eis Prizoneiru Politiku (ASSEPPOL). Objetivu prinsipal husi asina Nota Entendementu ne’e mak atu fó apoiu fundu ba ASSEPPOL atu hala’o sira nia atividade ka programa durante tinan 2024.

Apoiu ne’ebé Centro Nacional Chega!I.P fó ba ASSEPPOL ho orsamentu hamutuk $ 24,600.00 (Dollar Amerikanu Rihun rua nulu resin haat atus neen). Centro Chega! apoiu fundu ba ASSEPPOL durante tinan ida (1) validu hahú husi data asina nota entendementu no remata iha loron 31 fulan Dezembru 2024.

Apoiu ne’ebé Centro Nacinal Chega!I.P fó ba ASSEPPOL atu responde ba misaun  Centro Chega! mak promove implementasaun rekomendasaun Chega! relasiona ho institusionalizasaun memoria no promosaun direitus umanus atraves edukasaun, formasaun, peskiza no solidariedade ba sobreviventes vulneravel liu husi violasaun direitus umanus, no mos promove rekomendasaun Chega! no CVA kona-ba konstrusaun sentru nasional memoria, pesquiza no aprendizajen.

CNC asina nota entendementu ho AVKP 1974-1999

Centro Nacional Chega!I.P asina nota entendementu ho Asosiasaun Vitima Konflitu Politika 1974-1999 (AVKP). Objetivu prinsipal husi asina nota entendementu ne’e mak atu fó apoiu fundu ba AVKP 1974-1999 atu hala’o sira nia atividade ka programa durante tinan 2024.

Apoiu ne’ebé Centro Nacional Chega!I.P fó ba AVKP 1974-1999 ho orsamentu hamutuk $ 29,208.00 (Dollar Amerikanu Rihun rua nulu resin sia, atus rua ualu). Centro Chega! apoiu fundu ba AVKP 1974-1999 durante tinan ida (1) validu hahú husi data asina nota entendementu no remata iha loron 31 fulan Dezembru 2024.

Enkuantu, apoiu ne’ebé Centro Nacional Chega!I.P fó ba Assosiasaun Vitima atu responde ba misaun  Centro Chega! mak promove implementasaun rekomendasaun Chega! relasiona ho institusionalizasaun memoria no promosaun direitus umanus atraves edukasaun, formasaun, peskiza no solidariedade ba sobreviventes vulneravel liu-liu violasaun direitus umanus no mos promove rekomendasaun Chega! no CVA kona-ba konstrusaun sentru nasional memoria, peskiza no aprendizajen.

Media CNC