Mai Ita Hatene Agrifino Nia Istória Pasadu Durante Konflitu Polítiku (1975-1999).
Iha publikasaun ida ne’e ami fahe informasaun ba maluk sira kona-ba istória Agrifino de Araújo “Advista”, ne’ebé moris iha Suku Mauchiga, Postu Administrativu Hatubuiliko, Munisipiu Ainaro, loron 8 fulan-Janeiro tinan 1958, oan husi Laurentino De Araujo ho Matilda De Orleans.
Agrifino de Araújo “Advista” haktuir, “ha’u hahú envolve-an iha luta ba ukun rasik-an ida ne’e iha tinan 1975, ha’u iha ai-laran durante tinan tolu, depois baze de apoia rahun tinan 1979, tun husi Kablaki mai hela iha Dare Ainaro, hodi hala’o fali enkontru iha tinan 1980.
Iha momentu ne’ebá ha’u hanesan membru FALINTIL (Forcas Armadas da Libertação Nacional de Timor-Leste) tanbá hakarak luta ba ukun rasik an, tanbá hau hare forsa Indonézia sira halo hela violasaun ba timoroan sira, balun hetan oho, baku, kastigu no balu forsa sira tula iha kareta hodi ba fakar iha Builiko/Jakarta II, Munisipiu Ainaro.
Hakerek husi: Anita Silva de Deus, Estudante Universidade da Paz (UNPAZ)
