Sr. Hugo Maria Fernandes, moris iha Dili, iha loron 21 Dezembru 1971. Estuda Enjeñaria Florestál iha Universidade Gadjah Mada (UGM) Jogjakarta-Indonézia no tuir kursu International Journalism iha Cardiff University, Wales, United Kingdom.
Husi 2002-2005, Sr. Hugo Maria Fernandes haknaar iha Comissão de Acolhimento, Verdade e Reconciliação (CAVR) nu’udar Xefi Divizaun Buka Lia-Loos no Co-Managing Editor ba Relatóriu CAVR (Chega!). Husi tinan 2005 – 2008 asumi kn’ar nu’udar Koordenadór Ekipa Peskiza no Co-Editor ba Relatóriu finál Comissão Verdade e Amizade (CVA) / Per Memóriam Ad Spem (PMAS). Husi tinan 2008 – 2017 asumi kn’ar iha organizasaun Internasional The Asia Foundation Timor-Leste nu’udar Diretór Policy and Institutional Strengthening no Team Leader no Support for Good Public Policy Program. Husi tinan 2017 to’o agora, Sr. Hugo Maria Fernandes asumi knar nu’udar Diretór Ezekutivu Centro Nacional Chega!I.P.
Iha área jornalizmu no media nian, iha tinan 1999, Sr. Hugo Maria Fernandes nu’udar membru no Fundadór ba Asosiasaun Jornalista Timor-Lorosa’e (AJTL). Iha tinan 2014 nu’udar Fundadór no Co-Chair ba Southeast Asian Journalists Union (SEAJU) ba períodu 2014-2017. Iha tinan 2016-2020, Sr. Hugo Maria Fernandes nu’udar Konseleiru ba Konsellu Imprensa Timor-Leste (KI-TL) nian. Agora dadaun Sr. Hugo Maria Fernandes asumi kargu nu’udar Diretór Ezekutivu Centro Nacional Chega!I.P.
