Iha loron 12 fulan Novembru 1991, joven sira la’o sai husi igreja Motael atu ba Santa Kruz hodi tau ai-funan ba matebian Sebastião Gomes ne’ebé intelenjen Indonézia nian tiru mate iha igreja Motael iha loron 28 fulan outubru iha tinan ne’e, kuandu sira halo hela preparasaun ba demonstrasaun ne’ebé atu halao iha loron vizita delegasaun husi Parlamentu Português nian ne’ebé tuir planu atu mai Timor. Iha loron ne’e, dadersan joven sira halo marsa husi igreja Motael ba Santa Kruz atu tau ai-funan ba rate matebian Sebastião Gomes, durante marsa tuir dalan joven sira aproveita manifesta sira nia aspirasaun kona-ba ukun rasik no insatisfeitu ba hahalok asasinasaun husi tropa sira Indonézia nian. Iha dalan joven lubuk ida hasai baner sira ne’ebé hakerek ho mensajen ukun rasik-an nian, kritika ba hahalok asasinasaun husi Militar Indonézia nian nomos foto lider rezistensia Kayrala Xanana Gusmão nian. To’o iha fatin Santa Kruz, Militar Indonézia halo atake hodi tiru joven sira ne’ebé tau hela ai-funan ba rate Sebastião Gomes, ne’ebé rezulta kuaze ema na’in 180 mak mate no barak mak kanek todan.
Semiteriu Santa Kruz – Militar Indonézia Halo Atake Hodi Tiru Joven Rezulta Kuaze Ema Na’in 180 Mak Mate
February 16, 2025, 23:07 pm
AnteriorMes Korem (Kartika Sari) iha Mandarin – Detein Ema Nain 200 no Nain 2 Mate
PróximoLevantamentu Marabia - Forsa Indonézia Oho Ema 120
