Planu projetu hahu’u iha 1892 husi Secção de Obras Públicas do Distrito de Timór, liu husi Governadór Cipriano Forjaz (1890-1894), óspital Sivíl no Militár Dr. Carvalho, proposta ba konstrusaun mai husi pedidu Ministério da Marinha e Ultramar Custódio de Borja, Governadór Makau (1890‐1894).

Konstrusaun óspital ne’e inaugura iha 1906, inísiu ópital ne’e batizadu ho naran “Óspital D. Carlos I, maibé liu tiha ida ne’e sira hanaran fila-fali Óspital Dr Tomás de Carvalho, Primeiru reprezentante provinsia Makau iha Timór ba Kámara deputadu ni’an.

Óspital Dr. Tomás Carvalho uniku óspital iha Timór to’o meiu 1930, iha tempu óspital likisá halo halo konstrusaun.

Iha tempu invazaun Nipónika iha 1942, Óspital Dr. Carvalho militár Nipónika sira utiliza sai hanesan Óspital ba militár Nipónika ni’an durante tinan rua.

Iha tempu invazaun Indonézia ni’an, Governu Indonézia utiliza nafatin Óspital Dr. Carvalho ba Militár ni’an no troka naran bá “Rumah Sakit Wira Husada”

Liu tiha massakre iha Santa Kruz, joventude Loriku Ass’wain sira ne’e hetan tiru iha Santa Kruz, militár indonézia sira lori Joven sira ba Óspital Wira Husada hodi halo tratamentu saude, maibe realidade iha Óspitál Wira Husada, Trajedia Umanu kontinua akontese iha momentu ne’eba hanaran Segundu Massakre iha Óspital Wira Husada.