Loron 30 Agostu 1999, sai nu’udar loron memória istóriku ida ba Timor-Leste. Maske hasoru intimidasaun no violasaun oi-oin, maibé iha loron ida ne’e povu iha teritóriu Timor-Leste, Indonézia, Australia no Portugál sai husi sira nia uma nakonu ho esperansa hodi fó sira nia votu ba opsaun atu hamutuk ho Indonézia eh separa husi Indonézia.
Sentru Votasaun ba Konsulta Populár hamutuk atus-rua (200) mak estabelese iha Timor laran tomak. Totál populasaun ne’ebé rejistu atu vota hamutuk rihun-atus-haat-limanulu-resin-ida, atus-hitu, sianulu-resin-rua (451,792) no husi totál ne’e, 98.5% mak ba vota.
