(Díli, 27 Abril 2026) – Centro Nacional Chega!.I.P organiza konférensia Sientífika ho tema “Fatór Sira Ne’ebé Kontribui ba Fallansu Deskolonizasau: Haree Fila Fali Prosesu Deskolonizasau 1974-1975”, iha ámbitu komemora Revolução dos Cravos neʼebé monu iha loron 25 Abril 2026, ne’ebé realiza iha Salaun Konferensia Centro Chega!I.P, Antigo Comarca Balide.

Objetivu prinsipal husi konférensia Sientífika ne’e mak atu divulga no promove valores istoriku sira ba públiku ho aprosimasaun sientifika, liu husi konvida peskizador, akademista, no peritu sira mai fahe sira-nia prespetiva sientifika iha konferensia ne’e. Alende nu’udar espasu aprendijazem, atividade ne’e bele motiva mos peskizadór no akademista sira atu kontinua peskiza no hakerek hodi kontribui ba hariku liu tan literatura istória iha Timor Leste nian.

Objetivu seluk mak atu garante katak povu Timor-Leste, liu-liu jerasaun foun sira ne’ebé bele asesu no aprende valores istoriku sira, hodi refleta ba realidade husi dimensaun transmisaun valores istoriku, hatudu katak povu Timor-Leste ohin loron infrenta bareira bo’ot ida ne’ebé presija hetan atensaun husi entidades relevante sira barreira hirak ne’e mak produsaun narrativa istoriku ne’ebé sei menus tebes, plataforma asesibilidade ba narrativa istoriku ne’ebé kuaze la disponivel, no más maioria populasaun ne’ebe laiha interese atu aprende valores sira hirak ne’e.

Konférensia Sientífika ne’e hola parte iha atividade Centro Chega!l.P nian haktuir ba kompetensia ida ne’ebé atribui liuhusi dekretu-lei Nu 48/2016 kona-ba “realizar e promove debates, seminários, conferências e colóquios no ambito âmbito da suas competencias” mak Divizaun Prezervasaun no Memorializasaun (DPM) kria atividade ida hanaran konferensia sientifika ho objetivu kurtu prazu mak “Narativu de Memoria historica colectivo, arquivo  acessivel”. No objetivu mediu prazu katak “Memoria histórica preservada e promovida, a sociedade tem conhecimento sobre a história e sensivel a os valores de direitos humanus.”

Entertantu, atividade hirak ne’e hala’o hodi hatan ba mandatu Centro Chega!I.P nian ho baze ba dekretu lei Nu. 48/2016 katak kontinua hala’o nafatin ba servisu sira ne’ebé Comissão de Acolhimento, Verdade e Reconciliação (CAVR) no Comissão Verdade e Amizade (CVA) hala’o tiha ona. Vizaun mak prezerva memória pasadu nian nu’udar lisaun ba Povu Timor-Leste no umanidade tomak hodi hetan dame. Misaun mak hari’i sentru póz-konflitu ne’ebé prezerva memória pasadu nian hodi promove direitu no valor umanu; Hari’i parseria nasional no internasional hodi reforsa rede servisu sira atu implementa rekomendasaun CAVR no CVA ne’ebé relevante.

Haree detallu informasaun bele download PDF:KomuImp. KonfSientifika