Centro Nacional Chega!IP, liu husi Diretór Divizaun Relasaun Esterna Komunikasaun no Advokasia (DREKA) Gaudencio Soares Souza no Diretór Divizaun Solidariedade Sosial (DSS), Nelson Miranda Soares simu vizita husi Adjuntu Operasaun Kurtel Jeneál F-FDTL Guido G. da Silva iha Salaun Enkontru Centro Chega! iha Antigo Comarca Balide – Dili, loron 6 Agustus 2021.
Tuir Adjuntu Operasaun Kurtel Jerál F-FDTL Guido G. da Silva, vizita ne’e realiza hodi tatoli konvite husi Tenente Jeneral Falintil-Força Defesa Timor-Leste (F-FDTL) Lere Anan Timur, ne’ebé konvida Centro Chega! atu partisipa iha Tour Istóriku, ne’ebé sei organiza husi Kuartel Jeral F-FDTL.
Eventu Tour Istóriku ne’e nia intensaun mak atu la’o haleu Timor-Leste hodi vizita fatin istóriku sira tanba ne’e tuir ajenda ne’ebé iha, rote viajen ne’e sei hahú iha loron 30 Agostu 2021, sai husi Kurtel Jeneral F-FDTL, ne’eb’e abertura serimonia eventu tour istóriku sei hahú iha Sede Partidu UDT Palapasu-Dili la’o ba Manatuto, Baucau, Lospalos, Lautem, Uatulari, Viqueque, Same, Ainaro, Suai, Maliana, Ermera, Liquiça no Dili. Serimonia ikus ba eventu istóriku ne’e sei realiza iha Ainaro-Hato Builico.
Iha sorin seluk, Diretor Divizaun Relasaun Esterna, Komunikasaun no Advokasia (DREKA) Gaudencio Soares Souza agradese sente kontente tanba bele mai iha Centro Chega! hodi bele fo hanoin ba malu kona-ba eventu tour istóriku ida ne’e.
Husi Centro Chega! apresia ba programa eventu tour istóriku ne’e tanba liu husi eventu ne’e bele la’o hodi hatene fatin istóriku sira ne’ebé eziste iha Timor-Leste.
Enkuantu, Diretór Divizaun Solidariedade Sosial (DSS) Nelson Miranda Soares mos apresia ba eventu istóriku ne’e tanba liu husi tour istóriku sai hanesan valor istóriku ida ba Timoroan sira hodi halo prezervasaun no dokumentasaun ba fatin istóriku sira.
