Sr. Eduardo González husi nasaun Peru nu’udar konsultór direitus umanus no sosiolozista ne’ebé mak espesializadu iha justisa tranzitóriu. Nia servisu iha komisaun lia-loos no rekonsiliasaun Peruvianun nian ne’ebé mak hari’i hafoin konflitu internál durante tinan 20 resin. Ikus fali, nia nu’udar péritu iha área justisa tranzitóriu. Nia kontribui ba hari’i no hala’o (operasionaliza) Komisaun Lia-Loos no Rekonsiliasaun iha kuaze país 20 iha mundu, inklui CAVR iha Timor-Leste. Nia fornese asesória tékniku no estratéziku ba Komisaun Lia-Loos no Rekonsiliasaun-sira no fó apoiu ba Komisaun sira-nia programa memorializasaun antes no depois Komisaun-sira kompleta sira-nia mandatu.

Sr. Eduardo Gonzále mós partisipa iha debate sira kona-ba direitu umanu, demokrásia no harii dame no mós nu’udar peskizadór no edukadór. Nia mós fornese nia espesialidade husi online kona-ba peskiza no jestaun institusionál. Señor Eduardo Gonzáles mós fó atensaun boot ba inovasaun-sira iha servisu Komisaun Lia-Loos no Rekonsiliasaun-sira, inklui inisiativa sira-ne’ebé mak institutu memória no organizasaun sosiedade sívil-sira halo hodi implementa Rekomendasaun sira uosi Relatóriu Komisaun Lia-Loos no Rekonsiliasaun-sira. Agora dadaun Señor Eduardo González sai nu’udar Membru Konsellu Asesoria Internasional (KAI) Centro Nacional Chega!I.P ba periodu 2023-2026.