Introdusaun

Divizaun Relasaun Esterna, Komunikasaun no Advokasia (DREKA) hanesan orgaun sentrál Centro Nacional Chega!I.P, ne’ebé estabelese ho misaun divulga informasaun, kria relasaun di’ak entre Centro Chega!I.P ho instituisaun relevante sira, halo advokasia ba polítika ka programa Centro Chega!I.P nian hodi implementa no promove rekomendasaun sira husi Relatóriu Chega! no Per Meóriam Ad Spem (PMAS).

Atribuisaun Servisu

Atribuisaun servisu Divizaun Relasaun Esterna, Komunikasaun no Advokasia (DREKA) nian mak tuir mai ne’e;

1.  Hala’o kooperasaun servisu entre Centro Chega!I.P ho instituisaun esternál sira mak hanesan: Órgaun Estadu, Instituisaun Governu Timor-Leste, Ajénsia Internasionál, Instituisaun Independente no Sosiedade Sivíl ba implementasaun Rekomendasaun Chega! no PMAS.

2.    Jere programa ba nasionaliza no internasionaliza Relatóriu Chega! no PMAS.

3.     Jere Programa kona-ba promosaun dame no prevensaun konflitu.

4.      Jere Programa kona-ba rekonsiliasaun entre Timoroan.

5. Hala’o advokasia no monitoriza ba governu no instituisaun relevante ne’ebé mensiona iha rekomendasaun Chega! hodi implementa rekomendasaun husi Relatóriu Chega! no Per Memoriam ad Spem.

6.     Jere no Supervisiona Produsaun no públikasaun Materia informativu liga ho servisu Centro Chega!I.P nian.

7. Dezenvolve mekanizmu komunikasaun ne’ebé adekuadu hodi asegura  implementasaun tuir regra sira ne’ebé hatuur ona.

8.    Monitoriza no asegura  públikasaun hotu-hotu husi media sira no publikasaun kona-ba atividade sira ne’ebé iha ligasaun ho Centro Chega!.

9.    Jere, superviziona no asegura produsaun hotu-hotu kona-ba atividade ne’ebé liga ho servisu Centro Chega!I.P nian.

10.  Jere no superviziona servisu tradusaun Centro Chega! atravez publikasaun, livru, relatóriu Audio no Video.

11.  Jere no superviziona servisu dezeña liga ho atividade Centro Chega!I.P nian.

12. Reve no prepara relatóriu mensál, trimestrál no annuál ba servisu Divizaun Relasaun Esterna, Komunikasaun no Advokasia hodi submete ba Diretór Ezekutivu.

13.  Organiza rekursu hotu ho efikaz, efisiente hodi suporta servisu relasaun esterna, komunikasaun no advokasia iha Centro Chega!I.P ho responsavel.

Organograma

Atu halao servisu sira mak temi ona iha leten Divizaun Relasaun Esterna, Komunikasaun no Advokaisa  (DREKA) koajuvadu husi Departementu Komunikasaun Advokasia, Ofisiál Produsaun Audiovizual, Ofisiál Media no Komunikasaun, Ofisiál Publikasaun no Produsaun, Ofisial Tradutór, no Asistente Programa.