(Dili, 25 Outobru 2023) Centro Nacional Chega!I.P liu husi Divizaun Solidariedade ba Sobrevivente (DSS) fo apoiu nesesidade baziku ba sobrevivente vulneravel na’in 50 iha Munisipiu Dili kompostu Postu Administrativu 3 mak hanesan Postu Administrativu Nain Feto, Postu Administrativu Kristu Rei no Postu Dministrativu Dom. Aleixo. Objetivu apoiu nesesidade baziku ba sobrevivente sira nu’udar forma ida atu tulun sira hodi hakmaan sira nia sofrementu.
Sobrevivente hirak ne’e mai husi Postu Administrativu 3 mak Postu Administrasaun Nain Feto, kompostu Suku 2, Suku Santa Cruz no Suku Lahane Osidental no Suku Kuluhun. Postu Administrativu Kristu Rei kompostu Suku 3, Suku Bidau Santana, Suku Becora no Suku Kamea. Postu Administrativu Dom. Aleixo kompostu Suku 2, Suku Madohi no Suku Bairo-Pite.
Sobrevivente sira ne’ebé simu apoiu nesesidade baziku rejistadu iha sistema baze dadus Centro Chega!I.P hamutuk na’in 22 kompostu feto 17, mane 5. Lista balun husi parseiru Centro Chega! mak Asosiasaun Eis Prizioneiru Politico (ASSEPPOL) hamutuk na’in 12 kompostu feto 1 no mane 11. Asosiasaun Vítima Konflitu Politiku 1974-1999 hamutuk na’in 10 kompostu Feto 7 no Mane 3 no Asosiasaun Chega! ba Ita (ACbIt) hamutuk na’in 6.
Sasan ne’ebé Centro Chega!I.P fo apoiu ba kada sobrevivente vulneravel mak hanesan, Foos, Mina, Masin, Masako, Masin midar no Rinso.
Atividade ne’e halo bazeia ba rekomendasaun sira husi relatóriu Chega! no PMAS ko’alia kona-ba asuntu reparasaun ba vítima/sobrevivente “Vítima husi funu nian tenke hetan atensaun hodi sira bele ultrapasa vida vulneravel sira, husi aspeitu social no Ekonomia”. Reparasaun ne’e sei hala’o husi Estadu Timor-Leste nomos Indonésia halo reparasaun ba vítima/sobrevivente sira ne’ebé iha períodu rezisténsia nian sofre ba desumano husi ka sira nia direitu violadu” no nudar asaun ka forma ida ba kontribui imediata atu hakmaan todan ida sobrevivente vulneravel liu sira nia asesu ba apoia nesesidade bazika nia.
Media Chega!.
