Centro Nacional Chega!I.P servisu hamutuk ho Asosiasaun Vítima Konflitu Politiku (AVKP) 1974 -1999 harii ona Monumentu Masakre 17 Abril 1999 Rezidénsia Manuel Carascalão, iha simetériu Maubara, Munisipiu Liquiça. Centro monumentu memórial ne’e nu’udar meius ida atu fo óndra, valoriza no dignifika martires sira nain 12 ne’ebé oho husi milisia pro-integrasaun hamutuk no militar Indonézia sira tanba defende ukun rasik-an.
Monumentu memórial ne’e mos sai evidensia ba akontesimentu violasaun direitus umanus ba Timoroan sira iha prosesu luta libertasaun nasionál. Memórial iha fatin istóriku sai objetu/fatin ne’ebé prova kona-ba akontesimentu, no ema bai-bain sira nia esperiénsia, nune’e memória kona-ba sofrimentu ba sira ne’ebé lakon vida iha fatin istóriku, no mos ba rekoñesimentu públiku nian ba vítima sira.
Memórial ne’e harii iha tinan 2024 hodi haktuir planu asaun anual tinan 2024 Centro Chega! I.P nian.
Media Chega!.
