Centro Nacional Chega!I.P servisu hamutuk ho Asosiasaun Vitima Konflitu Politiku 1974-1999 harii ona Monumentu Memórial Violasaun Direitus Umanus (VDU) 22 Outubru 1999, iha Suku Bobocase, Postu Administrativu Pante Makasar, Rejiaun Administrasaun Espesiál Oecusse Ambeno (RAEOA). Akontesimentu 22 Outubru 1999 hamate ema sivil hamutuk nain 7 ne’ebé oho husi Milisia pro-integrasaun hamutuk ho Militar Indonézia.
Monumentu memórial ne’e halo atu fo óndra, valoriza no dignifika martires sira tanba defende ukun rasik-an mos sai evidensia ba akontesimentu violasaun direitus umanus ba Timoroan sira iha prosesu luta libertasaun nasionál.
Memórial iha fatin istóriku sai objetu/fatin ne’ebé prova kona-ba akontesimentu, no ema baibain sira nia esperiénsia, nune’e memória kona-ba sofrimentu ba sira ne’ebé lakon vida iha fatin istóriku, no mos ba rekoñesimentu públiku nian ba vítima sira.
Memórial ne’e harii iha tinan 2024 hodi haktuir planu asaun anual tinan 2024 Centro Chega! I.P nian.
Media Chega!.
