Centro Nacional Chega!I.P servisu hamutuk ho Southeast Asian University Partnership  for  Peacebulding (SAUP) no Universidade da Paz (UNPAZ) realiza ona formasaun loron 5 iha Timor-Leste (husi loron 19 – 23 Jullu 2021) ho objetivu hodi aprende kona-ba Justisa Tranzitóriu, Rezolusaun Konflitu no Paz nian.

Diretór Ezekutivu Centro Nacional Chega!I.P Sr. Hugo Maria Fernandes hateten Programa SAUP Summer School pertinente tebes ba planu estratéjiku Centro Chega! tinan 5 mai 2021-2025 ne’ebé halo tiha ona lansamentu husi Prezidente Parlamentu Nasional Dr. Aniceto Longuinho Guterres no Reprezentante Primeiru Ministru Dr. Azevedo Marçal iha momentu komemorasaun Aniversáriu Centro Chega! ba dala 4, iha loron 17 Jullu 2021 liu ba.

“Semana kotuk ami lansa planu estratéjiku tinan 5 mai 2021-2025, foku programa, ami hahú dezenvolve instituisaun ida ne’e, Centro Chega! nu’udar sentru ba koñesimentu no aprendisajen”, dehan iha intervensaun iha formasaun kona-ba paz ne’ebé hala’o iha salaun Konferénsia Antigo Comarca Balide-Dili, Kinta (22/07/2021).

Tanba ne’e, hanesan Diretór Centro Chega! hakarak hato’o agradesementu ba universidade sira iha rai liur hanesan Filipina no Kambodia ne’ebé realiza programa SAUP Summer School ne’ebé suporta husi Governu Alemanha.

Diretór Centro Chega! ne’e mós agradese ba Sra. Kristina Von Stosch no Sr. Mitjo Vaulasvirta nu’udar Peace Advisor husi ajensia internasional GIZ (Deutcshe Gesellschaft for Internationale Zusammernarbeit), Ziviler Friedensdiest (ZFD) no Center for Conflic Studies.

Iha sorin seluk, Vise Reitór Asuntu Kooperasaun Internal no Eksternal UNPAZ Sr. Luis Pereira Cardoso konsidera programa SAUP Summer School ne’e importante tebes tanba bele aprende kona-ba asuntu paz.

Hanesan partisipante sente kontente tanba bele hetan esperiénsia foun husi parseiru sira husi rai liu hodi bele implementa iha futuru. Husi parte UNPAZ nian esperansa katak, ho programa formasaun ne’e sei kontinua ba oin di’ak liu no bele sai programa annual ba UNPAZ no Centro Chega!

Entertantu, Diretór Divizaun Edukasaun no Formasaun Sr. Vicente Maia esplika, nia parte sente kontente hodi partisipa iha programa SAUP Summer School tanba programa ne’e foku kona-ba estudu da paz ne’ebé relasaun ho servisu Centro Chega! nian haree liu ba istória pasadu hanesan justisa tranzitóriu, rezolusaun konflitu, paz ho dame.

Centro Nacional Chega!I.P servisu hamutuk ho Southeast Asian University Partnership  for  Peacebulding (SAUP) no Universidade da Paz (UNPAZ) realiza ona formasaun loron 5 iha Timor-Leste (husi loron 19 – 23 Jullu 2021) ho objetivu hodi aprende kona-ba Justisa Tranzitóriu, Rezolusaun Konflitu no Paz nian.

Diretór Ezekutivu Centro Nacional Chega!I.P Sr. Hugo Maria Fernandes hateten Programa SAUP Summer School pertinente tebes ba planu estratéjiku Centro Chega! tinan 5 mai 2021-2025 ne’ebé halo tiha ona lansamentu husi Prezidente Parlamentu Nasional Dr. Aniceto Longuinho Guterres no Reprezentante Primeiru Ministru Dr. Azevedo Marçal iha momentu komemorasaun Aniversáriu Centro Chega! ba dala 4, iha loron 17 Jullu 2021 liu ba.

“Semana kotuk ami lansa planu estratéjiku tinan 5 mai 2021-2025, foku programa, ami hahú dezenvolve instituisaun ida ne’e, Centro Chega! nu’udar sentru ba koñesimentu no aprendisajen”, dehan iha intervensaun iha formasaun kona-ba paz ne’ebé hala’o iha salaun Konferénsia Antigo Comarca Balide-Dili, Kinta (22/07/2021).

Tanba ne’e, hanesan Diretór Centro Chega! hakarak hato’o agradesementu ba universidade sira iha rai liur hanesan Filipina no Kambodia ne’ebé realiza programa SAUP Summer School ne’ebé suporta husi Governu Alemanha.

Diretór Centro Chega! ne’e mós agradese ba Sra. Kristina Von Stosch no Sr. Mitjo Vaulasvirta nu’udar Peace Advisor husi ajensia internasional GIZ (Deutcshe Gesellschaft for Internationale Zusammernarbeit), Ziviler Friedensdiest (ZFD) no Center for Conflic Studies.

Iha sorin seluk, Vise Reitór Asuntu Kooperasaun Internal no Eksternal UNPAZ Sr. Luis Pereira Cardoso konsidera programa SAUP Summer School ne’e importante tebes tanba bele aprende kona-ba asuntu paz.

Hanesan partisipante sente kontente tanba bele hetan esperiénsia foun husi parseiru sira husi rai liu hodi bele implementa iha futuru. Husi parte UNPAZ nian esperansa katak, ho programa formasaun ne’e sei kontinua ba oin di’ak liu no bele sai programa annual ba UNPAZ no Centro Chega!

Entertantu, Diretór Divizaun Edukasaun no Formasaun Sr. Vicente Maia esplika, nia parte sente kontente hodi partisipa iha programa SAUP Summer School tanba programa ne’e foku kona-ba estudu da paz ne’ebé relasaun ho servisu Centro Chega! nian haree liu ba istória pasadu hanesan justisa tranzitóriu, rezolusaun konflitu, paz ho dame.

Programa ne’e di’ak tebes ba ita hotu, espera katak Centro Chega! no UNPAZ sei sai sentru ba koñesimentu no aprendisajen ba justisa tranzitoriu, rezolusaun konflitu, paz ho dame iha ita nia rejiaun.