Atu prevene no impede transmisaun COVID-19 ka konhesidu ho Virus Corona, Centro Chega! iha semana neé hahu kampanha prevensaun atraves implementasaun politika distansia sosial (social distancing) no instala fatin fase-liman ba vizitantes sira iha areadores Centro Chega!
Atraves email datada 18/03/2020, Director Executivo Centro Chega! Hugo Maria Fernandes husu ba funsionariu sira, wainhira atu implementa programas/atividades ka eventu deve ser toma atensaun no konsiderasaun ba politika prevensaun refere:
| 01. | Serteza fatin ka salaun ba realizasaun eventu tenqui luan, ka karik espasu ladun luan ajusta numeru partisipantes hodi asegura distansia sosial entre partisipantes; |
| 02. | Serteza hand sanitizers ka fatin fase-liman disponivel iha fatin realizasaun eventu; |
| 03. | Serteza kualquer eventu iha prezensa resepsionista hodi fo hanoin ba partisipante sira fase-liman no lalika kaer liman durante realizasaun eventu; |
| 04. | Organiza distansia entre kadeiras (tur-fatin) permiti distansia sosial entre partisipantes. Esplika propozitu ida neé ba sira hodi garante partisipantes ninia obidensia; |
| 05. |
Husu ba partispante sira atu lalika troka lapizeira entre sira durante realizasaun eventu; |
| 06. |
Serbisu hamutuk ho fornesedor fatin (fatin-nain) para garante disponibilidade be-mos iha haris-fatin, kompleta mos ho sabaun; |
| 07. |
Fo hanoin ba partisipante sira konaba etiketa fani ka mehar; |
| 08. |
Taka no distribui informasaun badak konaba COVID-19 mak aprovada hosi WHO ka Ministeriu Saude. |
Atu operasionaliza pontus balun hosi politika prevensaun refere, Divizaun Finansas no Operasional (DFO), atraves kooperasaun entre Departamentu Lojistika no Jestaun Patrimoniu ho Departamentu Servisus Aprovizionamentu instala ona fatin fase-liman, kompleta ho sabaun iha portaun oin, nudar fatin fase-liman ba vizitante sira antes tama iha edifisiu Centro Chega!*
