Hatutan Memória Ema-Nia Istória Durante Konflitu Polítiku (1975-1999)
Iha tinan 2019, Centro Chega! koopera ho eskola sira iha Díli hanesan Escola Secundária (E.S) 4 de Setembro, E.S. Santa Madalena de Canossa, E.S. AN-NUR, Escola Externato São José, Colégio São Miguel Arcanjo no Universidade da Paz (Díli) hodi implementa programa Transmisaun Memória Interjerasionál nu’udar aprosimasaun ne’ebé profesór/a no dosente sira bele aplika iha eskola ida-idak, hodi fó biban ba estudante sira entrevista sira-nia inan-aman rasik ou bele mós membru família sira kona-ba memória pasadu hodi sira bele hakerek.
Centro Chega! iha polítika atu kontinua prezerva sobrevivente sira-nia memória kona-ba violasaun entre 1974-1999. Nune’e publiku bele rekoñese sira-nia kontribuisaun no valoriza sira-nia sofrimentu. Haree Sobrevivente Abel Gomes nia Memoria iha ne’e.
