Sr. Inocêncio de Jesus Xavier moris iha Manufahi, iha loron 02 Abril 1982. Remata estudu Lisensiatura iha Universidade Nacional Timor-Lorosa’e (UNTL). Hafoin remata, Sr. Inocêncio kontinua estudu Mestradu iha UNTL.
Esperensia servisu iha organizasaun, Sr. Inocêncio agora servisu iha organizasaun Asia Justice and Right (AJAR) Timor-Leste nu’udar Outreach Officer ne’ebé ko’alia kona-ba asuntu Direitus Umanus. Sr. Inocêncio nu’udar Defensór Seniór Direitus Umanus no ativista ida-ne’ebé ativamente ko’alia kona-ba ema marjinál sira-nia direitu.
Ho esperensia servisu ne’ebé iha, Sr. Inocêncio hetan fiar asumi kargu nu’udar Prezidente Konsellu Fiskál FONGTIL. Sr. Inocêncio nu’udar Vise Prezidente Konsellu Fiskál Asosiasaun Vitima Konflitu Politiku (AVKP) 1974-1999 aumesmo tempu nu’udar Membru Konsellu Asesória Instituto Nacional Defesa Direitu ba Labarik (INDDICA). Agora dadaun Sr. Inocêncio de Jesus Xavier hetan fiar reprezenta Sosiedade Sivil sai Membru Konsellu Administrasaun Centro Nacional Chega!I.P.
