(Liquiça, 05 Abril 2025) Centro Nacional Chega!I.P liu husi Divizaun Servisu Reparativu (DSR) hala’o atividade apoiu umanitaria ba vitima/sobrevivente vulneravel liu iha munisipiu Liquiça, iha ámbitu komemorasaun Masakre Igreza Liquiça, 6 Abril 1999 ba dala-26 ho tema “Memorializasaun Nu’udar Dalan ba Dame hodi Valoriza no Dignifika Heroi da Pátria”.
Objetivu husi apoiu umanitariu ne’e nu’udar forma ida husi reparasaun ba Vitima/Sobrevivente vulneravel liu hodi hakmaan sira nia todan atu asesu ba nesesidade bazika. Objetivu seluk mak nu’udar dignifikasaun no rekoñesementu ida husi estadu liu-liu governu nian ba vitima sira ne’ebé iha tempu pasadu fo ona kontribuisaun ba iha prosesu luta libertasaun nasional. Apoiu ida ne’e mos nu’udar asaun umanitária ho forma ida hodi aprofunda liu tan materializasaun valores solidariedade no mos valores rezistensia nian ba populasaun sira no valor sira ne’e kontinua buras iha interasaun sosiedade nia loron-loron nian. Detallu informasaun klik iha ne’e:komunikadu imprensa apoiu umanitariu
