Dili – (28 Maiu 2026), Kompaña NAZARETH Unipessoal Lda no JV Quatro Colegas Lda, ne’ebé responsável ba projetu konstrusaun Centro Arkivu Chega! foun entrega ofisialmente ba Centro Nacional Chega! (CNC I.P), iha Antigo Comarca Balide-Dili, Kinta, (28 maiu 2026).

Obra ne’e entrega liu husi serimonia asina termu entrega dokumentus no save husi Diretór Kompaña NAZARETH Unipessoal Lda, Jhony Nazaret de Jesus Pereira reprezenta JV Quatro Colegas Lda ba Diretór Ezekutivu Centro Nacional Chega!I.P, Hugo Maria Fernandes. Sasin ba asina termu entrega ne’e husi Ajensia Dezenvolvimentu Nasional (ADN), Eng. Agostinho Aranda, no Ministeriu Obras Publiku (MOP) liu husi Xefe Departementu Edifikasaun, Eng. Hermenegildo Guterres.

Konstrusaun edifisiu Centro Arquivo Chega! foun ho durasaun tinan 3 hahu (01 Abril 2024 to’o 01 Abril 2025), ho extensaun dalarua no remata iha 31 Juñu 2026, kusto kontratu ho montante hamutuk $ 941, 103.73.

Diretór Ezekutivu Centro Nacional Chega!I.P, Hugo Maria Fernandes hato’o agradesementu ba Kompaña NAZARETH Unipessoal Lda no JV Quatro Colegas Lda ne’ebé halo konstrusaun edifisiu Centro Arquivo Chega! foun ho di’ak. Diretór mos hato’o agradesimentu ba ADN no MOP ba apoiu supervizaun.

Diretór subliña katak, edifísiu Centro Arquivo Chega! foun ne’e importante ba Centro Chega!I.P atu prezerva memória pasadu povu Timor-Leste nian kona-ba prosesu luta ba ukun rasik-an. No fatin ne’e sei uza husi jerasaun ba jerasaun ho seguru.

Diretór Kompaña NAZARETH, Jhony Nazaret de Jesus Pereira Reprezenta JV Quatro Colegas, hato’o agradesimentu ba Chega! ne’ebé fo konfiansa tomak ba sira hodi halo konstrusaun edifísiu Centro Arquivo Chega! foun husi inisiu to’o remata. Nia afirma katak, maske obra ne’e entrega ona maibé sira sei kontinua akompaña durante tinan ida nia laran, karik iha problema ruma sira prontu hadi’ak.

Tuir planu, edifísiu Centro Arquivo Chega! foun sei halo inagurasaun iha loron 09 Juñu 2026, ámbitu komemorasaun loron internasionál arkivu nian.

Media Chega!.