(Dili, Timor-Leste, 18 Maiu 2021), Centro Nacional Chega!I.P asina ona nota de entendementu ho Associação Cultural Scala (ACS) husi nasaun Repúblika Moçambique.
Objetivu prinsipál husi selebrasaun Nota Entendementu mak atu ezekuta projetu kona-ba pro-kultura ho titulu “Pro-kultura promosaun empregu iha atividade ne’ebé fó rendimentu iha setór kultura iha PALOPS (Paises Africanos de lingua oficial Portugues)no Timor-Leste”.
Akordu entre parte rua ne’e, asina husi Diretor Ezekutivu Centro Nacional Chega!I.P, Hugo Maria Fernandes no Vise Prezidente Associação Cultural Scala (ACS), João Luis de Carvalho.
Husi akordu ne’e, parte rua deside hodi halo kolaborasaun ka co-produsaun iha projetu Rezistensia no afirmasaun kultura.
Iha oportunidade hanesan, Centro Nacional Chega!I.P, mós selebra akordu servisu hamutuk ho Instituisaun Akademiku liu husi Universidade privada; UNDIL, UNPAZ no UNITAL.
Pontu kooperasaun servisu ne’e foku ba atividade peskiza Istóriku “Komunidade ida-Istória ida” ne’ebé lansa ona husi Centro Chega!, Instituisaun akademiku sira, autoridade lokál, Juventude no autór istóriku husi suku sira nian iha tinan 2018.
Atividade peskiza istóriku ne’e bazeia ba papel prinsipál Centro Nacional Chega! tuir rekomendasaun CAVR no CVA kona-ba memórializasaun Istória pasadu Timor-Leste nian tuir atribuisaun dekretu lei númeru 48/20016 kona-ba asegura prezervasaun memória pasadu Timor-Leste husi periodu 1974-1999.
