Dili, iha loron 05 Agustu 2021, Diretór Ezekutivu Centro Nacional Chega!I.P Hugo Maria Fernandes akompaña husi Fiskál Úniku Viriato Quintas no Diretór Divizaun Relasaun Esterna Komunikasaun no Advokasia (DREKA) Gaudencio Soares Souza halo enkontru ho delegasaun KOICA (Kooperation Internasional Corea) mak Sooyeon Song, Jieun Kim no mos Marcos da Costa.
Enkontru ne’e parte rua deskute kona-ba asuntu istória edukasaun, interkambiu no konstrusaun ba arkivu ne’ebé tuir planu Centro Chega! sei konstrui iha tempu badak nia laran.
Hafoin remata enkontru, Diretór Ezekutivu Centro Chega! Hugo lori delegasaun KOICA hodi hala’o vizita ba fatin istóriku sira hanesan Jardin Memoria ba Esperansa, Sala Memorial Carmel Budiardjo, Fatin rai arkivu, sala Biblioteka Chega!, Sela Nakukun inklui vizita fatin ne’ebé uza atu halo konstrusaun ba arkivu iha futuru.
