Dili – 12 Agostu 2020, Ekipa Centro Nacional Chega! halo ona soru-mutu ho Xefe Casa Sivil Prezidénsia da Repúblika kona-ba kooperasaun servisu hodi dezeña memoriál ba serimónia Istóriku Tomada de Posse Primeiru Governu iha loron 29 Novembru 1975. Soru-mutu ne’e realiza iha Sala Enkontru Xefe Casa Sivíl Prezidensia Repúblika iha Aitarak-Laran – Dili.
Iha soru-mutu ne’e, ekipa Centro Nacional Chega! ne’ebé lidera husi Diretór Ezekutivu Sr. Hugo Maria Fernandes halo aprezentasaun ba Konseitu no esbosu dezeñu memoriál ne’ebé tuir planu sei konstrui iha areadore Palasiu Nobre Lahane, Dili.
Entretantu Xefe Casa Sivíl Sr. Francisco Maria de Vasconcelos deklara fó fiar ba Centro Nacional Chega! atu dezeña no koopera ba konstrui memoriál serimónia Istóriku Tomada de Posse Primeiru Governu iha loron 29 Novembru 1975.
