(Díli, 13 Marsu 2026) – Centro Nacional Chega!I.P asina Akordu Servisu Hamutuk (ASH) ho Muzeu Memórial Munisipal 4 mak hanesan, Muzeu Memórial Munisipal Bobonaro, Muzeu Memórial Munisipal Covalima, Muzeu Memórial Munisipal Manatuto no Muzeu Memórial Munisipal Viqueque, ne’ebé hala’o iha Salaun Konferensia Centro Chega!I.P, Antigo Comarca Balide.
Objetivu hosi asina ASH ne’e mak atu apoiu fundu ba Muzeu Memórial Munisipal 4 ba fortalesimentu institusional liu-liu apoiu ba atividade no servisu operasional nian. Kada Muzeu Memórial Munisipal hetan osan hamutuk $ 17,500.00 (Dólar Amerikanu Rihun Sanulu Resin Hitu Atus Lima). Total orsamentu ba Muzeu Memórial Munisipa 4 ne’e hamutuk $ 70,000.00 (Dolar Amerikanu Rihun Hitu Nulu) ba durasaun tinan ida.
Centro Nacional Chega!I.P estabelese Muzeu Memórial iha Munisipiu sira atu prezerva dokumentu istoriku violasaun direitus umanus periodu 1974-1999, fasilita informasaun kona-ba istória pasadu ba públiku liu-liu istória komunidade Munisipiu idak-idak nian, sai mos sentru aprendizajen kona-ba paz, justisa no direitus umanus, sai nu’udar referensia istorika ba peskizadór sira no mos sai espasu reflesaun kona-ba memória pasadu.
Muzeu Memórial Munisipal hanesan mekanizmu ida atu halibur, habelar, no hakbesik narrativu sira kona-ba istória pasadu Timor-Leste nian, liu-liu ida-ne’ebé relasiona ho partisipasaun komunidade munisipiu sira nian durante periodu luta ba ukun rasik-an tinan 1974-1999.
Muzeu Memórial Munisipal ne’e mos hanesan plataforma ida hosi Programa Memórializasaun Integradu Centro Chega!! P nian ne’ebé mai ho objetivu atu sosiedade larepere fila fali violensia pasadu liu hosi mekanizmu sira mak hanesan, harii plataforma ba ema no komunidade hosi parte étniku-kulturál no polítika sira atu fahe sira-nia istória no envolve komunidade iha diálogu no Memórializasaun, prezerva memória istoriku liu hosi arkiva no disemina narativa sira ba públiku, fasilita prosesu komprensaun komún kona-ba polítika no programa sira oinsä mak utiliza memória istoriku sira.
Muzeu Memórial Munisipal atu responde ba misaun Centro Chega! I.P nian mak promove implementasaun rekomendasaun sira hosi relatóriu final Comissão de Acolhimento, Verdade e Reconciliação (CAVR) no no Per Memóriam Ad Spem (PMAS) relasiona ho institusionalizasaun memória no promosaun direitus umanus. Muzeu Memórial Munisipal ne’e mos hanesan plataforma ida hosi Programa Memórializasaun Integradu Centro Chega!! P nian ne’ebé mai ho objetivu atu sosiedade la repere fila fali violensia pasadu liu hosi mekanizmu sira mak hanesan, harii plataforma ba ema no komunidade hosi parte étniku-kulturál no polítika sira atu fahe sira-nia istória no envolve komunidade iha diálogu no Memórializasaun, prezerva memória istoriku liu hosi arkiva no disemina narativa sira ba públiku, fasilira prosesu komprensaun komún kona-ba polítika no programa sira oinsä mak utiliza memória istoriku sira. Dijitaliza narativas hirak ne’ebé mak nesesariamente atu dijitalizadu hodi aliña ho objetivu sira.
Entertantu, Centro Chega!I.P estabelese ona Muzeu Memórial Munisipal 6 hanesan Viqueque, Covalima, Aileu, Bobonaro, Manatuto, Manufahi. Iha tinan 2026 Centro Chega!I.P sei estabelese tan Muzeu Memórial Munisipal 2 mak hanesan Liquiça no Rejiaun Administrativa Espesial Oekuse Ambeno (RAEOA).
Bele Download dokumentus iha PDF:KomImpren Chega!-MMM Asina ASH
