Dili – (17 Jullu 2023), Vise Primeiru Ministru no Ministru Koordenadór Asuntu Dezenvolvimentu Rural, Mariano Assanami Sabino Lopes nu’udar reprezentante Primeiru Ministru Kay Rala Xanana Gusmão husu ba Centro Nacional Chega!I.P atu taumatan ba Sobrevivente sira nia saúde.

Rekomendasaun ne’e hato’o husi Vise Primeiru Ministru no Ministru Koordenadór Assuntu Desenvolvimentu Rural, Mariano Assanami Sabino Lopes nu’udar reprezentante Primeiru Ministru Kay Rala Xanana Gusmão, iha diskursu serimonia aniversariu Centro Chega!I.P nian ba dala-6.

Razaun instituisaun Centro Chega!I.P taumatan ba sobrevivente sira tanba, sira barak oras ne’e kondisaun saúde ladiak, prezisa halo chek-up rutina ba sira nia kondisaun saúde, tanba barak mak hetan moras, maibé to’o agora seidauk hetan tratamentu saúde to’o mate.

“Husu Chega! tau matan ba sobrevivente sira, halo kedan konsulta preventiva para moras saida mak iha ne’e deteta kedas, la’os moras todan ona, labele ona, foin mak ita atu ba kura, ita hodi ba liur maibé dala barak ita lasalva,” rekomenda Vise Primeiru Ministru.

Nia argumenta, se ita hakarak salva memoria moris, sira ne’e mak memoria moris. Se ita hakarak salva ita tenke chek-up ka konsulta sira nia saúde hodi deteta moras ne’ebé sira infrenta.

Media Chega!,