Sr. Metodio Caetano Moniz, moris iha Tilomar, Covalima, iha loron 7 Jullu 1970. Sr. Metodio estuda Engenharia Mekánika iha Universidade Diponegoro (UNDIP) Semarang-Indonézia, maibé la konsege akaba nia estudu. Antes ne’e, Sr. Metodio tuir kursu auditoria interna ne’ebé hala’o husi Yayasan Pendidikan Internal Audit (YPIA), Jakarta, Indonézia no hetan sertifikadu Qualified Internal Auditor (QIA).
lha tinan 1997 – 1999, Sr. Metodio haknaar nu’udar Konsultan Manajemen no Teknis Kabupaten Lautem iha projetu Program Pengembangan Kecamatan, World Bank – IBRD. Sr. Metodio mos sai Staff Advokásia Direitus Umanus iha Yayasan HAK. Nia mos nu’udar IT Officer iha Komisaun Justisa & Pás Dioseze Dili. Iha tinan 2004-2009 nu’udar Ofisiál IT, Marketing & Treasury, Credit Recovery, no mos sai Kordenadór Unidade Accounting iha Bank Mandiri Dili. Iha tinan 2009 -2018 haknaar iha Sekretáriu Estadu Juventude no Desportu nu’udar Diretór Nasionál Administrasaun no Finansas, Inspetór Jerál, no ikus liu, nu’udar Diretór Jerál.
Iha área jornalizmu no media. Sr. Metodio Caetano Moniz nu’udar fundadór ba Asosiasaun Jornalista Timor-Lorosa’e (AJTL). Nia mos tuir kursu Post Conflict Journalism iha Queensland University Technology, Brisbane, Australia. Nia mos nu’udar jornalista, editór no layouter ba jornal “Vox Populi”, media kampaña Conselho Nacional da Resistência de Timorense (CNRT). Sr. Metodio nu’udar Fundadór ba media online TAFARA.TL. Agora dadaun Sr. Metodio Caetano Moniz asumi knar nu’udar Diretór Divizaun Finansas no Operasionál (DFO) iha Centro Nacional Chega!I.P.
