Komisaun rekomenda ba Governu Portugal:
| 2.1 | Liu husi via formal, fo’o hatene katak simu tiha-ona Relatoriu ne’e, hato’o ba Parlamentu Portugues, no implementa rekomendasaun n’ebe relevanti ba Portugal n’ebe iha nia kontiudu. |
| 2.2 | Fo’o apoiu finansial no logistiku ba esforsu desiminasaun relatoriu ne’e, no rezultadu n’ebe iha relasaun ho relatoriu, liu husi sektor hirak n’ebe relevante husi sosiedadi Portugues no iha Komunidadi Nasaun hirak n’ebe koalia lian Portugues (CPLP). |
| 2.3 | Tulun Governu Timor-Leste atu halo reparasaun ba vitima violasaun direitos humanus, husi konflitu iha Timor-Leste. |
| 2.4 | Fo’o kopia husi material arkivu ofisal n’ebe koalia kona ba Timor-Leste ba’a povu Timor-Leste, sai nudar parte esensial/importanti riku soi nasional hodi nune’e tulun organizasaun sosiedadi sivil Portugues, imprensa no Igreja Katolika Portugues, atu fo’o dokumentasaun iha sira nia liman mai Timor-Leste. |
| 2.5 | Halo auditoria ba arte hirak n’ebe halo ho liman no propriedadi kutural seluk tan ho origen Timor nian n’ebe oras ne’e tau hela iha Portugal, ho hanoin atu hare tok ba posibilidadi halo repatriasaun ba buat hirak ne’e mai Timor-Leste, atu nune’e tulun buat hirak ne’e nia konservasaun, dezenvolvimetnu no habelar kultura ida ne’e tuir direitu ba’a auto-determinasaun kultural, no tuir prinsipiu Konvenant Internasional kona ba Direitus Ekonomiku, Sosial no Kultural. |
| 2.6 | Promove relasaun dalan rua ho Indonesia, hanoin nafatin katak Portugal nia historia n’ebe naruk liga mos ho regiaun ida ne’e no liga mos ba situasaun TimorLeste nia mudansa, hodi nune’e haklean tan kumpriensaun no kooperasaun li-liu nível relasaun povu ba povu, no halo kontribuisaun conjunta ba TimorLeste. |
