Nasoens Unidas (ONU) deside atu anúnsia rezultadu Konsulta Populár simultaneamente dala ida de’it, ne’ebé Sekretáriu Jerál ONU fó sai iha Nova Iorke, iha kalan boot loron 3 Setembru 1999 no Reprezentante Espesiál Nasoens Unidas Ian Martin fó sai iha Dili, iha loron 4 Setembru 1999.
Iha tuku 09:00 dadeer, Ian Martin lee rezultadu Konsulta Populár iha Hotel Mahkota (atuál Ótel Timor) ne’ebé 21,5% husi populasaun Timor-Leste hili pakote autonomia espesiál, enkuantu 78,5% hili atu separa husi Indonézia.
Komisaun Eleitorál konklui katak Konsulta Populár ida ne’e hala’o duni ho justu tuir prosedimentu no bazeia ba Akordu Nova Iorke, no sertamente reflete povu Timor nia hakarak.
