(Díli, 9 Fevereiru 2026) – Centro Nacional Chega!.I.P liu husi Chega! Young Ambassador (CYA) organiza atividade simulasaun Chega! Model United Nations (CMUN) 2026 ho tema jeral “𝗚𝗲𝗼𝗽𝗼𝗹𝗶𝘁𝗶𝗰𝗮𝗹 𝗧𝗲𝗻𝘀𝗶𝗼𝗻 𝗶𝗻 𝗦𝗼𝘂𝘁𝗵 𝗖𝗵𝗶𝗻𝗮 𝗦𝗲𝗮” ho nian Sub-Tema mak “𝗪𝗵𝘆 𝗶𝘁 𝗛𝗮𝗽𝗽𝗲𝗻 𝗮𝗻𝗱 𝗛𝗼𝘄 𝘁𝗼 𝗣𝗿𝗼𝗺𝗼𝘁𝗲 𝗣𝗲𝗮𝗰𝗲𝗕𝘂𝗶𝗹𝗱𝗶𝗻𝗴 𝗮𝗻𝗱 𝗦𝘁𝗮𝗯𝗶𝗹𝗶𝘁𝘆 𝗶𝗻 𝘁𝗵𝗲 𝗥𝗲𝗴𝗶𝗼𝗻”, ne’ebé hala’o iha Salaun Konferensia Centro Chega!I.P, Antigo Comarca Balide.
Objetivu husi atividade ne’e mak hanesan espasu ida ba estudantes universitáriu, no foinsa’e sira atu halo diskusaun ho modelu Nasoens Unidas nian hodi fo resolusaun ba konflitu ruma ne’ebé mak akontese iha mundu no rejiaun sira.
Objetivu seluk husi atividade ne’e mak atu estudantes universitáriu, no foinsa’e sira bele iha esperensia no koñesementu kona-ba sa mak iha Muzeu Chega! inklui mos sira bele experimenta direita ba iha sela nakukun hodi refleta ba iha situsaun moruk no difisil iha tempu passadu ne’ebe mak prisionériu politiku sira sente esperiente iha tempu ne’eba. Aleinde ne’e bele hasa’e mos koñesimentu estudante sira nian kona-ba narasaun istória ne’ebe mak los bazeia ba faktus konkretu ne’ebe mak prezerva iha Muzeu CNC!I.P.
Atividade simulasaun Chega! Model United Nations (CMUN) parte integral husi programa Edukativu no Refleksaun ne’ebé mai ho atividade “Desenvolver Um Centro de Resolução de Pós-Conflito” hodi hatan ba programa pertinente tolu (3) CYA nian mak hanesan Chega! Museu Day, Chega! School Visit no Chega! Media Campaign.
Entertantu, Centro Nacional Chega! I.P. Da Memória A Esperanca (Centro Chega!), estabelese nu’udar Institutu Publiku bazeia ba Dekretu Lei Nu. 48/2016 ho vizaun atu harii Sosiedade ida ne’ebé mak inkluzivu, la repete istória passadu nian, moris iha dame, no respeitu direitus umanus. Centro Chega! ninia misaun mak atu harii Centro ba Poz-konflitu ne’ebé prezerva memória pasadu hodi promove direitu no valór umanu no harii parseria nasionál no mos internasionál hodi reforsa servisu sira ba implementa rekomendasaun sira Relatóriu Finál “Comissao de Acolhimento, Verdade e Reconciliacao (CAVR)-Chega! Comissao da Verdade e Amizade (CVA)- Per Memóriam Ad Spem, sira ne’ebé relevante.
Detallu informasaun klik: PDF CYA-CMUN-2026
