Díli – (06 Novembru 2025), Centro Nacional Chega! Instituto Publiku (CNC I.P) asina Akordu Servisu Hamutuk (ASH) ho Muzeu Memórial Munisipal Manufahi (MMMM 1912) ba estabelesimentu Muzeu Memórial iha Munisipiu Manufahi, ne’ebé hala’o iha Salaun GAO-CC, Antigo Comarca Balide.
Objetivu hosi asina ASH ne’e mak atu fó apoiu orsamentu hamutuk $ 14,192.00 (Dólar Amerikanu Rihun Sanulu resin Aat atus Ida Sia nulu resin Rua) ba estabelesimentu Muzeu Memórial Munisipal Manufahi 1912. Orsamentu ne’e sei apoiu ba estabelesimentu Muzeu no mos programa ka atividade Muzeu nian.
Importansia hosi estabelesimentu Muzeu Memórial ne’e mak atu prezerva dokumentu istoriku violasaun direitus umanus periodu 1974-1999, fasilita informasaun kona-ba istória pasadu ba públiku liu-liu istória komunidade Munisipiu Manufahi nian, sai mos sentru aprendizajen kona-ba paz, justisa no direitus umanus, sai nu’udar referensia istorika ba peskizadór sira no mos sai espasu reflesaun kona-ba memória pasadu.
Muzeu Memórial Munisipal hanesan mekanizmu ida atu halibur, habelar, no hakbesik narrativu sira kona-ba istória pasadu Timor-Leste nian, liu-liu ida-ne’ebé relasiona ho partisipasaun komunidade munisipiu Manufahi nian durante periodu luta ba ukun rasik-an tinan 1974-1999.
Muzeu Memórial Munisipal ne’e mos hanesan plataforma ida hosi Programa Memórializasaun Integradu Centro Chega!! P nian ne’ebé mai ho objetivu atu sosiedade la repere fila fali violensia pasadu liu hosi mekanizmu sira mak hanesan, harii plataforma ba ema no komunidade hosi parte étniku-kulturál no polítika sira atu fahe sira-nia istória no envolve komunidade iha diálogu no Memórializasaun, prezerva memória istoriku liu hosi arkiva no disemina narativa sira ba públiku, fasilita prosesu komprensaun komún kona-ba polítika no programa sira oinsä mak utiliza memória istoriku sira.
Muzeu Memórial Munisipal atu responde ba misaun Centro Chega! I.P nian mak promove implementasaun rekomendasaun sira hosi relatóriu final Comissão de Acolhimento, Verdade e Reconciliação (CAVR) no no Per Memóriam Ad Spem (PMAS) relasiona ho institusionalizasaun memória no promosaun direitus umanus.
Centro Chega!I.P estabelese Muzeu Memórial Munisipal hanesan mekanizmu ida atu halibur, habelar, no hakbesik narrativu sira kona-ba istória pasadu Timor-Leste nian, liu-liu ida-ne’ebé relasiona ho partisipasaun komunidade munisipiu idaidak nian durante periodu luta ba ukun rasik-an tinan 1974-1999. Muzeu Memórial Munisipal ne’e mos hanesan plataforma ida hosi Programa Memórializasaun Integradu Centro Chega!! P nian ne’ebé mai ho objetivu atu sosiedade la repere fila fali violensia pasadu liu hosi mekanizmu sira mak hanesan, harii plataforma ba ema no komunidade hosi parte étniku-kulturál no polítika sira atu fahe sira-nia istória no envolve komunidade iha diálogu no Memórializasaun, prezerva memória istoriku liu hosi arkiva no disemina narativa sira ba públiku, fasilira prosesu komprensaun komún kona-ba polítika no programa sira oinsä mak utiliza memória istoriku sira. Dijitaliza narativas hirak ne’ebé mak nesesariamente atu dijitalizadu hodi aliña ho objetivu sira.
Entertantu, ASH ne’e sei hahu efetivu hosi data ne’ebé asina no sei termina iha loron 31 Dezembru 2025 bainhira benefisiariu sira submete ona relatóriu. Tuir dadus ne’ebé iha, Centro Chega!I.P estabelese ona Muzeu Memórial Munisipal 5 mak hanesan, Muzeu Memórial Munisipal Viqueque, Covalima, Aileu, Bobonaro no Manatuto. No aumenta tan Muzeu Memórial Munisipiu Manufahi hamutuk 6.
Detallu informasaun klik iha ne’e:KOM. IMPRE. ASINA ASH MUZEU
