Dili – iha loron 23 Outubru 2020, Centro Nacional Chega! liu husi Divizaun Dezenvolvimentu Institusionál no Rekursu Umanu (DDIRU) organiza Induzaun ida ho objetivu: Hasa’e Konsellu Administrasaun Foun Centro Chega! ninia koñesimentu kona-ba natureza, atribuisaun, kompeténsia no sistema servisu Centro Chega! tuir lei haruka. Induzaun ne’e realiza iha Salaun Konferénsia Centro Chega! iha Antigo Comarca Balide – Dili ho partisipasaun Prezidente Konsellu Administrasaun Centro Chega! Foun Sra. Alzira Sequira Freitas dos Reis, Membru sira mak Sra. Felicidade de Sousa Guterres, Rev. Arlindo Francisco Marçal, Rev. Pe. Jovito do Rego de Jesus Araújo no Sr. Sisto dos Santos, hamutuk ho Funsionáriu Centro Chega! tomak.
Entretantu, Membru Konsellu Administrasaun Centro Chega! nian nomeia husi Konsellu Ministru bazeia ba despaisu N.o 093/PM/X/2020, ne’ebé sei halo mandatu ba periodu tinan 3 husi 2020 to’o 2023.
