Mai Ita Hatene Ema Nian Istória Pasadu Durante Konflitu Polítiku (1975-1999) liu husi Programa Hatutan Memória. Nune’e, iha publikasaun ida ne’e, ami fahe informasaun ba maluk sira kona-ba istória Estevão Dias Gonçalves “Anin Fuik” Moris iha Poetete, Biluli, Ermera, iha loron 20 fulan-Jullu 1947
Estevão Dias Gonçalves “Anin Fuik” haktuir, iha loron 7 fulan-Dezembru tinan 1975, militár Indonézia tama ona iha Timor-Leste. Sira halo atuasaun maka’as hodi hasoru timoroan sira. Iha loron 19 fulan-Abril 1978, ha’u ho ha’u-nia komandante naran Clementino dos Santos Expostu hetan kaptura husi militár Indonézia. Sira lori ami ba kastigu iha komarka Maudiu, Ermera nian durante tinan ida tanba deskonfia ami nu’udar FALINTIL.
Ha’u ho ha’u-nia komandante hetan baku husi militár Indonézia iha tempu ne’ebá. Iha tinan 1979, ha’u ho ha’u-nia komandante sai husi komarka. Iha tinan 1980, ami na’in rua halai sai ba ai-laran. Iha tinan 1986, ha’u asumi knar nu’udar forsa FALINTIL iha ai-laran durante tinan sia. Ha’u sente triste tanbá timoroan barak mak mate no terus, inklui ha’u-nia familía. Sira hotu terus no mate hamlaha tanba iha tempu ne’ebá hahán laiha.
Hakerek husi: Aderito Dos Santos Oliveira, Estudante Universi[1]dade da Paz (UNPAZ)
