Dili, 21 Jullu 2020 – Centro Nacional Chega!I.P ho ekipa hala´o enkontru kortezia ho Exelensia Sr. Antonio Armindo, Vise Ministru Interiór, iha edifisiu Minsitériu Interior, Caicoli – Dili.

Objetivu husi enkontru ne’e mak introdúz Relatóriu Chega! no Per Memoriam Ad Spem inklui atualiza informasaun sobre implementasaun programa Centro Chega! nian ne’ebé mak nia baze mai husi rekomendasaun Chega! no CVA ne’ebé mak hola parte iha rekomendsaun ba reforma institusionál.

Iha enkontru ne’e, Ekipa Centro Chega! mós espesifikamente fahe informasaun sobre implementasaun atividade sira ne’ebé relasiona ho rekomendsaun Chega! no CVA iha área seguransa nian, hanesan formasaun direitus umanus ba polísia ho F-FDTL liu husi kooperasaun entre Centro Chega! noa Provedoria Direitus Umanus e Justisa, indusaun kona-ba Relatóriu Chega! no CVA ne’bé hala’o ona iha Akademia Polísia, Comoro Dili inklui inisiativa estebelese koopersaun iha área prevensaun konflitu.

Hafoin hetan informasaun hirak ne’e, Exelénsia Vise Ministru fó nia apresiasaun maka’as ba atividade sira ne’ebé Centro Chega! halo ona liu-liu liga ho formasaun sira. Nia informa katak formasaun ba polísia sira importante atu polisia sira bele aplika kona-ba oinsá fó atensaun iha Direitus umanus bainhira polísia hala’o nia atusaun sira. Nia mos hatutan katak implementsaun rekomendasaun Chega! importante tebes tanba ne’e Ministeriu Interior liu-husi Diresaun Nasional Prevensaun Konflitu Komunitariu DNPKK halo hela prosesu revizaun no defini programa prioriedade ne´ebé mak sei implementa iha tinan oin inklui mos integra Rekomendasaun Chega! ba iha kurrikulu Formasaun PNTL nian nune´e ofisiais hotu-hotu bele entende ho di’ak kona-ba saida maka ‘Lei no Orden’.

Antes remata  enkontru, Exelénsia Vise Ministru emfaze akatak Minsitériu Interiór prontu estabelese koopersaun ho Centro Chega! iha área formasaun direitus umanus no prevensaun konflitu, atu nune’e parte rua bele servisu hamutuk ba promove paz no protesaun direitus umanus.