Introdusaun

Divizaun Prezervasaun no Memorializasaun (DPM) hanesan orgaun sentral Centro Nacional Chega!I.P, ne’ebé estabelese ho misaun mak fo hanoin no apoiu servisu ba Diretór Exekutivo relasiona ho servisu Divizaun Prezervasaun no Memorializasaun nian mak atu estabelese, koordena no koopera ho parseiru estrateziku sira hodi implementa Rekomendasaun sira husi relatóriu Chega! no Per Memoriam Ad Spem iha área prezervasaun memória pasadu nian.

Atribuisaun Servisu

Atribuisaun servisu Divizaun Prezervasaun no Memorializasaun (DPM) nian mak tuir mai ne’e;

1.    Promove prosedimentu sira ne’ebé presiza relasiona ho identifikasaun no proposta klasifikasaun patrimóniu kulturál ho interese istóriku, hodi garante partisipasaun no envolvimentu komunidade no sobrevivente sira nian, tuir planu klasifikasaun espesífiku ida;

2.  Garante prezervasaun dokumentu istóriku sira no preparasaun materiál no promosaun sira kona-ba sítiu memoriál, fatin istóriku, no rezultadu peskiza istóriku. Aprezentasaun sítiu memoriál sira no rezultadu peskiza istóriku sira, hodi promove nia utilizasaun nu’udar meiu fahe koñesimentu kona-ba istória 1974 to’o 1999 nian;

3.  Identifika no propoin asaun relevante sira iha área memorializasaun no peskiza istórika, hodi kontribui ba nia implementasaun;

4.   Dezeña estratéjia sira ba dezenvolvimentu muzeu no memoriál sira ne’ebé hatan ba objetivu estratéjiku Centro Chega!I.P nian.

5.   Promove kooperasaun ka prosedimentu no instrumentu sira seluk ba jestaun no manutensaun fatin memoriál no fatin istóriku sira;

6.   Promove, iha koordenasaun metin ho Divizaun Prezervasaun no Memorializasaun, asesu no utilizasaun ba fatin memorializasaun husi sobrevivente sira, sira nia familia no interesadu sira seluk;

7.  Organiza no prezerva arkivu ne’ebé CAVR no CVA halibur, no habelar liu husi halibur rejistu no hetan testemuña ho interese istóriku;

8. Jere arkivu ne’ebé temi iha númeru anteriór, promove nia organizasaun, konservasaun no asesu públiku liu husi meiu fíziku no eletróniku ne’ebé relevante;

9.  Prepara konteúdu publikasaun relevante sira iha atividade Centro Chega!I.P nian ho natureza istórika, sientífika no dokumentál;

10. Fo apoiu ba implementasaun rekomendasaun sira husi CAVR no CVA, hanesan indika husi Diretór Ezekutivu, kona-ba rezultadu peskiza memória istórika no arkivu respetivu;

11.  Kontribui ba preparasaun planu sira Centro Chega!I.P nian liu-liu planu estratéjiku no planu anuál, ho sira-nia relatóriu;

12. Implementa rekomendasaun relevante sira husi Konsellu Administrasaun no Konsellu Asesoria Internasional Centro Chega!I.P nian, tuir instrusaun sira husi Diretór Ezekutivu;

13.  Funsaun sira seluk ne’ebé Diretór Ezekutivu fo ba.

Organograma

Atu exekuta atribuisaun hirak ne’ebé temi ona, Divizaun Prezervasaun no Memorializasaun (DPM) koajuvadu husi Departementu  Peskiza Istoriku, Departementu Arkivu Istoriku, Departementu Memorializasaun no Ofisial sira.