Dili, 16 Juñu 2021, Centro Nacional Chega! I.P, liu husi Diretór Divizaun Relasaun External Komunikasaun no Advokasia (DREKA) Sr. Gaudencio Soares Sousa hala’o enkontru ho ekipa husi Conselho de Imprensa Timor-Leste (CI) hodi deskute kona-ba koordenasaun servisu.
Asuntu ne’ebé foku deskute iha enkontru ne’e mak, Primeiru-ko’alia kona-ba koordenasaun servisu entre Centro Nacional Chega! no Conselho de Imprensa Timor-Leste iha área formasaun jornalizmu ba paz ba jornalista sira, segundu-ko’alia kona-ba preparasaun ba atribuisaun premiu Jurnalizmu ba Paz Maria Goreti ba jornalista sira.
Enkontru ne’e hala’o iha Salaun Conselho Imprensa no partisipa husi Diretor Ezekutivu Conselho de Imprensa Sr. Rigoberto Monteiro, Diretor Diresaun Komunikasaun Sosial, Relasaun Institusional no Kooperasaun Sr. Altino D.C. Freitas no Sr. Caetano Alves.
