Centro Nacional Chega!I.P servisu hamutuk ho Asosiasaun Vitima Konflitu Politiku 1974-1999 harii ona Monumentu Memórial Violasaun Direitus Umanus. 16 Maiu 1999 iha Suku Atara, Postu administrativu Atsabe, Munisipiu Ermera. Monumentu Memórial nu’udar meius ida atu fo óndra, valoriza no dignifika martires sira tanba defende ukun rasik-an. Akontesimentu 16 Maiu 1999 hamate ema nain 6.
Monumentu memórial ne’e sai evidensia ba akontesimentu violasaun direitus umanus ba Timoroan sira iha prosesu luta libertasaun nasionál. Monumentu memórial iha fatin istóriku sai objetu/fatin ne’ebé prova kona-ba akontesimentu, no ema baibain sira nia esperiénsia, nune’e memória kona-ba sofrimentu ba sira ne’ebé lakon vida iha fatin istóriku, no mos ba rekoñesimentu públiku nian ba vítima sira.
Memórial ida ne’e ho konseitu Sepulture fatuk (Stone sepulture); memórial sira hotu harii husi fatuk ne’e sai karater Timor-Leste nian, nomos hanoin oinsa utiliza material local ba harii memórial sira.
Memórial ne’e harii iha tinan 2024 hodi haktuir planu asaun anual tinan 2024 Centro Chega! I.P nian.
Media Chega!.
