Centro Nacional Chega!I.P servisu hamutuk ho RTTL.Ep liu husi Programa “Chega! ba Esperansa” iha loron 24 Juñu 2021, realiza ona Talk Show ida ho tópiku “Reforma Institusionál iha Seitór Seguransa”. (Talk Show kompletu haree iha ne’e).
Oradór ba Talk Show ne’e mak hanesan: 1. Komisáriu Polísia Faustino da Costa – Komandante Jéral Polisia Nasional Timor-Leste (PNTL), 2. Provedoria Direitus Humanus e Justiça (PDHJ) Sra. Jesuina Maria Ferreira Gomes, 3. Diretór Ezekutívu Centro Nacional Chega!I.P Sr. Hugo Maria Fernandes no 4. Diretór Fundasaun Mahein (FM) Sr. João Almeida.
Objetivu husi Talk Show ne’e mak:
- Atu públiku tomak inklui entidade estadu sira iha koñesimentu kona-ba Relatóriu Chega! no Per Memoriam Ad Spem ho nia rekomendasaun sira relasiona ho kna’ar instituisaun estadu sira, espesialmente instituisaun seguransa,
- Atu konsensializa ajente estadu sira liu-liu husi instituisaun seguransa kona-ba aktu violasaun sira ba direitus umanus ne’ebé akontese durante okupasaun Indonézia, nune’e labele repete tan aktu hanesan iha tempu ukun rasik-an,
- Kontinua hasa’e públiku no entidades sira nia koñesimentu kona-ba Centro Chega! nia servisu no rekomendasaun Chega! no CVA,
- Kontinua promove programa Centro Chega nian ba públiku, atu nune’e públiku bele partisipa iha prosesu advokasia ba implementasaun rekomendasaun Chega!
Atividade ne’e hala’o iha Jardim Memória da Esperansa Antigo Comarca Balide – Dili. Informasaun.