Manatuto – (15 Setembru 2025), Centro Nacional Chega!I.P servisu hamutuk ho pareiru sira hanesan Ministeriu Edukasaun (ME), UNESCO (United Nations Educational, Scientific and Cultural Organization) no KOICA (Korea International Cooperation Agency) fo formasaun ba Profesor sira ne’ebé mai hosi Munisipiu haat mak, Munisipiu Manatuto, Munisipiu Baucau, Munisipiu Viqueque no Munisipiu Lautem hamutuk ema na’in 50.
Formasaun ne’e kona-ba istória no edukasaun ba paz ne’ebé hala’o durante loron 5 (15-19 Setembru 2025), iha Munisipiu Manatuto ho tema “Teacher Training for History and Peace Education, 3rd Cycle of Basic Education and Secondary Education”. Objetivu prinsipal hosi formasaun ne’e mak atu aumenta koñesimentu, dezenvolve kapasidade, atualiza rekursu pedagójiku no mos fahe esperiénsia ba malu.
Formasaun ne’e hala’o bazeia ba rekomendasaun hosi Relatóriu Finál Comissão de Acolhimento, Verdade e Reconciliação (CAVR) kona-ba direitus ba edukasaun no auto-determinasaun kultural dehan, “Governu presiza kolabora no dezenvolve kurikulu ho metodolojia hanorin ida ne’ebé bazeia ba situasaun Timor-Leste nian no promove kultura ida ne’ebé dame, la-ho violensia no direitus umanus.
Tuir avaliasaun rapida ne’ebé Centro Chega!I.P halo iha tinan 2017-2018, kurikulu eziste maibé presiza apoiu materia no formasaun ba profesor sira atu eleva sira nia koñesementu kona-ba istória no abilidade oinsa mak introdus istória ba jerasaun foun sira di’ak liu-tan. Hamatan ba rekomendasaun hosi avaliasaun rapida, Centro Chega!I.P hahu halo parseria ho Ministeriu Edukasaun (ME) hodi dezenvolve modul no halo revizaun ba kurikulu no mos fo formasaun ba profesor sira hosi eskola ensinu baziku siklu terseiru siklu nian kona-ba dixiplina istória no metodolojia hanorin iha aula-laran.
Detallu Informasaun Klik:Kom. Impre. Form. Prof.