Divizaun Finansas no Operasional, habadak ba DFO hanesan orgaun sentral Centro Nacional Chega!I.P (Centro Chega!) ida neébe estabelese ho misaun fo hanoin no apoiu servisus Director Executivo no unidade traballu seluk relasiona ho aspetus finansas, servisus aprovizionamentu, no mos servisus lojistika no jestaun patrimoniu.
DFO chefia hosi Koordenador nain 1 (ida), neébe toma responsabilidade direkta ba Director Executivo Centro Chega, no iha tempu mak hanesan orienta no superviziona servisus Xefe Departamentu Finansas, Xefe Departamentu Servisus Aprovizionamentu, nomos Xefe Departamentu Lojistika no Jestaun Patrimoniu.
Atu atinji misaun mak temi ona, DFO halao atribuisoens:
| 01. | Superviziona no responsavel ba pesoal sira hotu iha area Jestaun Finanseiru, Administrasaun, Aprovizionamentu, Logistiku no Jestaun Patrimoniu; |
| 02. | Dezenvolve prosedimentu jestaun finanseira ne’ebé maka di’ak; |
| 03. | Kontribui hodi elabora proposta orsamentu CENTRO CHEGA!nian no asugura hodi kumpri lolos regras kona-ba alterasaun orsamental, hamutuk ho unidade sira seluk CENTRO CHEGA!ne’e nian; |
| 04. | Gere dotasaun Orsamental CENTRO CHEGA!nian tuir intrusaun Diretor Ezekutivu no avalia afetasaun rekursus finanseiru ba atividade sira ne’e; |
| 05. | Superviziona servisu jestaun Administrasaun kona-ba CENTRO CHEGA!nian; |
| 06. | Asegura realizasaun prosedimentu aproviszionamentu no kontratasaun públika; |
| 07. | Jere no superviziona jestaun património Centro nian no mós kona-ba kestaun lojístika; |
| 08. | Superviziona pesoal sira servisu iha Unidade Finansas no Operasonal; |
| 09. | Supervizional no Jere prosesa tenderisasaun no kompras; |
| 10. | Dezenvolve prosedimentu sira hotu ne’ebé iha ninia área; |
| 11. | Elabora Plano Estratéjiku, Planu Anual no Planu Aprovisionamentu hamutuk ho unidade sira seluk; |
| 12. | Promove no asegura prosedimentu sira hotu kona-ba likidasaun despeza sira nian no efikás kobransa ba iha reseita sira; |
| 13. | Jere konta bankária Centro Nacional Chega!I.P nian; |
| 14. | Reve no prosesa pagamentu sira, inklui pagamentu ba traballador nian; |
| 15. | Prepara, reve no halo relatório jestaun finanseiru regular iha periodu semanal, mensal, trimestral no anual hodi hato’o ba Diretor Ezekutivu. |
Atu exekuta atribuisaun hirak nee’be temi ona, Divizaun Finansas no Operasional koajuvadu hosi Departamentu Finansas (DF), Departamentu Lojistika no Jestaun Patrimoniu (DLJP), no Departamentu Servisus Aprovizionamentu (DSA).
A. Departamentu Finansas
Departamentu Finansas, habadak ba DF ho ninia funsoens prinsipais mak jere no asegura jestaun finanseira no exekusaun orsamental ida neébe responsivu, transparente, efikas, efisiente no responsaveis, ho detalhes atribuisoens:
| 01. | Exekuta no koordena elaborasaun proposta orsamentu Centro Nacional Chega!I.P ninian, inklui alterasaun orsamental, hamutuk ho unidade traballu sira seluk; |
| 02. | Hamutuk ho servisus sira seluk interna DFO elabora/prepara Planu Anual, Orsamentu no Planu Operasional Unidade Finansas no Operasional; |
| 03. | Exekuta no koordena atividades kontabilidade (accounting) no tezouraria (treasury) Centro Nacional Chega!I.P; |
| 04. | Monitoriza no avalia exekusaun dotasaun orsmental Centro Nacional Chega!I.P ninian atu utiliza ho efikas (efektif), efisiente (efisien), ekonomisidade (ekonomis), no mos kumpri lolos normas legais no regulamentus administrativus mak vigor; |
| 05. | Prepara no elabora relatoriu exekusaun orsamental ka relatoriu finanseira Centro Nacional Chega!I.P ninian, periodikamente (semanal, mensal, trimestral, annual) no/ka wainhira superior sira husu; |
| 06. | Fo hanoin, kontribui, no dezenvolve esbosu regulamentus administrativus (regras, rejimentu, prosedimentus) konaba jestaun finanseira no kontrola exekusaun orsamentu ida neébe fasil, lalais, transparente, no banati ba normas legais mak vigor; |
| 07. | Hamutuk ho Divizaun Administaraun Jeral dezenvolve, asegura no preserva sistema arquivu finansas Centro Nacional Chega!I.P ninian. |
Departamentu Lojistika no Jestaun Patrimoniu
Departamentu Lojistika no Jestaun Patrimoniu, habadak ba DLJP ho ninia funsoens prinsipais mak jere, administra no asegura patrimoniu (aquizisaun, utilizasaun, manutensaun, dispozisaun, alienasaun) no servisus lojistika (aquizisaun, armazenamentu, distribuisaun, utilizasaun, no alienasaun/harahun) Centro Nacional Chega!I.P ida neébe responsivu, transparente, efikas, efisiente no responsaveis, ho detalhes atribuisoens:
| 01. | Hamutuk ho servisus sira seluk interna DFO elabora/prepara Planu Anual, Orsamentu no Planu Operasional Unidade Finansas no Operasional; |
| 02. | Koordena ho Servisus Aprovizionamentu no unidade seluk hodi halao servisus aquizisaun bens no patrimoniu Centro Nacional Chega!I.P ninian, inklui halo inspesaun hodi garante quantidade no qualidade; |
| 03. | Jere no asegura servisus armazenamentu ba bens Centro Nacional Chega!I.P ida neébe responsivu, simples no lalais ba atendimentu; |
| 04. | Administra, rejista, no halo manutensaun ba patrimoniu Centro Nacional Chega!I.P, no mos garante ninia funsionamentu, inklui kalkula depresiasaun patrimoniu regularmente; |
| 05. | Koordena servisus motorista no tekniku sira hodi atende nesesidades entidades Centro Nacional Chega!I.P; |
| 06. | Koordena no garante seguransa iha Centro Nacional Chega!I.P, tantu ema, bens, no patrimoniu sira seluk; |
| 07. | Toma responsabilidade ba dispozisaun no/ka alienasaun ba bens no patrimoniu Centro Nacional Chega!I.P; |
| 08. | Fo hanoin ba dirijentis no/ka entidades seluk Centro Nacional Chega!I.P konaba sistema servisus lojistika no jestaun patrimoniu; |
| 09. | Regularmente elabora relatoriu no relata servisus lojistika no jestaun patrimoniu; |
| 10. | Halao servisus atendimentu seluk mak relasiona ho servisus lojistika no jestaun patrimoniu ho resposivu, resposaveis, simples no lalais. |
Departamentu Servisus Aprovizionamentu
Departamentu Servisus Aprovizionamentu, habadak ba DSA ho ninia funsoens prinsipais mak jere, administra no halao servisus aprovizionamentu hodi garante fornesimentu bens e servisus ka obras ba Centro Nacional Chega!I.P ho quantidade no qualidade tuir requizitus (inklui tempu determinadu), hosi fornesedor / vendor / kontraktor mak qualifikadu, no presu mak razoavel, hatetuk ba prinsipius “best value for money”, efisiente, transparente, imparsial no accountability, ho detalhes atribuisoens hanesan temi tuir mai:
| 01. | Survey, rejista no regularmente update presu merkadoria nudar baze hodi determina presu/valor/kustu estimasaun projetus; |
| 02. | Identifika no rejista fornsedor/vendor/kontraktor hirak neébe mak preenche qualifikasaun hodi sai nudar parseiru (rekanan) ba Centro Nacional Chega!I.P; |
| 03. | Hamutuk ho servisus sira seluk interna DFO elabora/prepara Planu Anual, Orsamentu no Planu Operasional Unidade Finansas no Operasional, inklui Planu Aprovizionamentu; |
| 04. | Dezenvolve sistema aprovizionamentu no/ka sistema avaliasaun tenderizasaun ba projetus ida neébe simples, transparente, imparsial no accountability; |
| 05. | Halao prosesu aprovizionamentu ba projetus Centro Nacional Chega!I.P ho justu, imparsial no accountability, uza metodu aprovizionamentu mak kontempla iha Dekretu Lei No. 10/2005 sobre Rejime Juridiku Aprovizionamentu ho ninia alterasaun sira; |
| 06. | Rekomenda forma equipa avaliasaun, no mos halo avaliasaun ba proposta (penawaran) hosi fornesedor/vendor/kontraktor hodi determina kandidatu vensedor, the best one no the best two; |
| 07. | Rekomenda rezultadu avaliasaun hanesan temi iha pontu anterior ba Director Executivo hodi deside vensedor ba projetus Centro Nacional Chega!I.P; |
| 08. | Selebra ka halo extensaun ka hakotu kontratasaun publiku ho fornesedor/vendor/kontraktor mak sai vensedor ba projetus Centro Nacional Chega.I.P, inklui produz Purchase Order; |
| 09. | Produz Payment Request ba Servisus Finansas hodi prosesa pagamentu ba projetus, hafoin simu rezultadus inspesaun hosi Servisus Lojistika no Jestaun Patrimoniu; |
| 10. | Fo hanoin ba dirijentis no/ka entidades seluk Centro Nacional Chega!I.P konaba, ka hodi melhoria servisus aprovizionamentu; |
| 11. | Apoia Servisus Lojistika no Jestaun Patrimoniu hodi halo inspesaun ba fornesimentu bens, servisus no exekusaun obras Centro Nacional Chega!I.P; |
| 12. | Regularmente elabora relatoriu no relata servisus aprovizionamentu; |
| 13. | Halao servisus atendimentu seluk mak relasiona ho servisus aprovizionamentu ho resposivu, resposaveis, simples no lalais. |