Durante okupasaun Indonézia fatin sira hanesan igreja sai baze ba joven sira ne’ebé servisu klandestinamente kontra okupasun Indonézia. Inklui igreja Motael mos sai baze ba movimentu klandestina sira. Iha inísiu agostu 1991, iha informasaun ne’ebé anunsia ba púbiku katak iha 4 novembru 1991, sei iha delegasaun husi parlamentu Portugal vizita mai Timor, hafoin rona informasaun ne’e joven sira ne’ebé klandestinamente luta kontra okupasaun Indonezia halibur malu iha igreja Motael iha 25 de Outobru hodi halo preparasaun ba demonstrasaun ne’ebé atu hala’o iha loron vizita delegasaun husi parlamentu Português nian ne’ebé tuir planu atu mai Timor. Wainhira halo hela preparasaun ba demonstrasaun ne’e iha igreja Motael iha loron 28 Outobru 1991, intelenzensia sira husi Indonézia nian ho Militar Indonézia halo atake ba igreja Motael no tiru mate membru rede klandestina nian saudosu Sebastião Gomes.
Igreja Santu António Motael – Militar Indonézia Halo Atake Ba Igreja Motael No Tiru Mate Saudosu Sebastião Gomes
