Centro Nacional Chega! liu husi Divizaun Relasaun Esterna, Komunikasaun no Advokasia (DREKA) koorpera ho Eskola Kolegio Imaculada Conceição Ermera organiza ona kolókiu hodi fahe informasaun kona-ba Relatóriu Chega! no Per Memoriam Ad Spem ba Estudante sira, iha Salaun Parokia Ermera, Munisípiu Ermera.
Kolókiu ne’e halo ho objetivu atu konsensializa no relembra fali ba estudante sira katak, luta pasadu Timor-Leste nian ba ukun rasik-an liu husi sofrimentu oi-oin ne’ebé halo husi Timoroan hasoru invazór sira. Ukun-an ida ne’e la’ós presente ida ne’ebé tau iha bandeza hodi entrega mai Timor-Leste, maibé ida ne’e nu’udar luta boot ida husi Timoroan sira ne’ebé sakrifika ema rihun resin sira nia isin no ran hodi liberta rai ida ne’e.
Partisipa iha kolókiu ne’e, Mestre no Reprezentante Estudante liu na’in 100.
Entretantu, Eskola Kolegio Imaculada Conceição sei kontinua koopera ho Centro Nacional Chega! ba estabelesimentu Bibleoteka Chega!, Vizita Istóriku, Transmisaun Memória Interjerasionál liu husi enkoraja estudante sira atu hakerek istória inan-aman no familía sira nian ne’ebé fó ona sira nia kontribuisaun ba independensia Timor-Leste.*