Introdusaun
Divizaun Servisu Reparativu (DSR) hanesan orgaun sentrál Centro Nacional Chega!I.P, ne’ebé estabelese ho misaun mak fó hanoin no apoiu servisu ba Diretór Ezekutivu relasiona ho servisu solidariedade ba sobrevivente mak hetan violasoens direitus umanus iha periodu 1974-1999, liu-liu ba sira ne’ebé vulneravel liu hanesan labarik haketak inan-aman ka familía, vítima tortura no violénsia seksuál nomós prizioneiru polítiku sira.
Atribuisaun Servisu
Atribuisaun servisu Divizaun Servisu Reparativu (DSR) nian mak tuir mai ne’e;
1. Identifika no hato’o ba parte relevante sira iha internál ka esternál proposta medida mak operasionalizadu iha rekomendasuan CAVR no CVA relasiona ho sobrevivente, inklui reparasaun ba sira.
2. Identifika no fasilita partisipasaun sobrevivente vulneravel liu iha programa no atividade sira Centro Chega! nian ho dignu.
3. Promove integrasaun perspetiva solidariedade ho sobrevivente sira iha publikasaun no materiál dezenvovidu husi divizaun sira iha Centro Chega!
4. Apoiu estabelesimentu parseria entre Centro Chega! no servisu seluk estadu nian responsavel ba área solidariedade no asaun sosiál.
5. Fomenta partisipasaun Centro Chega! iha programa governu no naun governamentál mak relevante ho sobrevivente.
6. Sensibiliza no públika kestaun relasiona ho prezuiju kauza husi konflitu no rekomenda resposta ne’ebé adekuadu.
7. Sensibiliza ba komunidade hotu, partikularmente ba funsionáriu públiku, profesionál saúde no institusaun relijioza sira, kona-ba istória sobrevivente vulneravel sira nian.
8. Apoiu estabelesimentu protokolu no medida kolaborasaun ho asosiasaun veteranu, inklui Konsellu Nasional Veteranus, Asosiasaun Eis-Prizioneiru Polítiku Timor-Leste (ASSEPPOL).
9. Fó apoiu ba sobreviventes vulneravel liu iha área sosiál no saúde, tane aas privasidade no konfidensialidade.
10. Organiza rekursu hot-hotu ho efikaz no efisienta hodi hala’o servisu solidariedade ba sobrevivente vulneravel liu ho responsavel.
11. Implementa rekomendasaun relevante sira husi Konsellu Administrasaun no mos Konsellu Asesoria Internasionál Centro Chega!I.P nian, atravez instrusaun husi Diretór Ezekutivu, no mos kna’ar seluk mak hato’o husi Diretór Ezekutivu.
Organograma
Atu ezekuta atribuisaun hirak ne’ebé temi ona, Divizaun Servisu Reparativu (DSR) koajuvadu husi Departementu Solidariedade ba Sobrevivente, Ofisiál Seniór Programa Solidaridade ba Sobrevivente, Ofisiál Programa Solidaridade ba Sobrevivente, Ofisiál Programa Hakbii’t Sobrevivente no Asistensia Programa