Introdusaun
Divizaun Polítika Planeamentu no Rekursus Umanus (DIP-PRU) hanesan orgaun sentral ne’ebé hala’o kna’ar mak dezeña politika no programa sira hodi hatan ba visaun, misaun no objetivu sira Centro Nacional Chega!I.P nian. DIP-PRU responsavel atu estabelese, koordena no koopera ho parseiru estrateziku sira hodi implementa programa sira iha área boa governasaun no jestaun institusional, responsavel ba halo monitorizasaun ba implementasaun Planu Asaun Annual, Monitorizasaun implementasaun Rekomendasaun Chega! no Per Memoriam Ad Spam.
Atribuisaun Servisu
Atribuisaun servisu Divizaun Polítika Planeamentu no Rekursus Umanus (DIP-PRU) nian mak tuir mai ne’e:
1. Divizaun Polítika, Planeamentu no Rekursu Umanu (DiPPRU) responsavel atu dezeña polítika no programa sira ne’ebé responde ba vizaun, misaun no objetivu sira husi Dekretu-Lei no Planu Estratéjiku CNC nian.
2. DiPPRU mós responsavel atu estabelese, koordena no koopera ho parseiru estratéjiku sira hodi implementa programa sira iha área governasaun di’ak no jestaun institusionál.
3. Divizaun Polítika, Planeamentu no Rekursu Umanu hala’o funsaun sira hanesan tuir mai ne’e;
4. Promove jestaun rekursu umanu liuhosi promove asesu Sentru nian ba forsa traballu ne’ebé motivadu, ho kualidade ho kompromisu ne’ebé hatudu ona ba misaun Sentru nian;
5. Promove preparasaun ba estrutura pesoál Sentru nian, bazeia ba análize funsionál ida kona-ba atividade sira no garante determinasaun klaru kona-ba funsaun sira pozisaun ka postu ida-idak nian no ninia adaptasaun ba planu estratéjiku Sentru nian;
6. Dezenvolve Sentru nia prosedimentu jestaun rekursus umanus no estrutura organizasionál, hanesan polítika, manuál no prosedimentu institusionál Sentru nian, no submete ba aprovasaun husi Diretór Ezekutivu;
7. Promove prosedimentu no prosedimentu sira ba rekrutamentu, selesaun no jestaun rekursus umanus Sentru nian, asegura koordenasaun ho Komisaun Funsaun Públika, bainhira relevante;
8. Prepara kontratu ba funsionáriu no kolaboradór sira Sentru nian, asegura sira-nia jestaun no kumprimentu ba sira-nia konteúdu ho lejislasaun aplikavel;
9. Organiza no asegura arkivu rekursus umanus Sentru nian, inklui halibur dadus kona-ba funsionáriu no kolaboradór hotu-hotu no sira-nia jestaun ho atensaun espesiál ba prinsípiu sira konfidensialidade nian;
10. Promove akompañamentu ba prezensa funsionáriu nian tuir oras servisu nian no rejime auzénsia ne’ebé aplikavel;
11. Fasilita no fó apoiu tékniku ba prosesu avaliasaun dezempeñu funsionáriu nian, hodi promove prosedimentu ne’ebé iha kapasidade atu identifika kualidade dezempeñu funsionáriu nian no promove hadi’a sira-nia dezempeñu;
12. Koordena prosedimentu dixiplinr hasoru funsionriu sira tuir lejislasaun aplikavel, garante sira-nia kumprimentu ba lejislasaun aplikavel;
13. Halo koordenasaun ho Divizaun Finansa no Operasaun kona-ba prosesu pagamentu, lisensa no benefísiu sira seluk no deskontu saláriu ba funsionáriu sira;
14. Garante planu efikás ida kona-ba nesesidade orsamentál sira iha área rekursus umanus, hodi apoia nia ezekusaun orsamentál;
15. Identifika no analiza, hamutuk ho servisu sira seluk, nesesidade espesífiku ba formasaun rekursus umanus;
16. Prepara, hamutuk ho Diretr Ezekutivu, planu sira ba dezenvolvimentu institusionl;
17. Kontribui ba preparasaun planu sira Sentru nian, liuliu planu estratéjiku no planu anuál, no sira-nia relatóriu;
18. Implementa rekomendasaun relevante sira hosi Konsellu Administrasaun no Konsellu Konsultivu Internasionál Sentru nian, tuir instrusaun sira hosi Diretór Ezekutivu;
19. Funsaun sira seluk ne’ebé Diretór Ezekutivu atribui ba sira.
Organograma
Atu exekuta atribuisaun hirak ne’ebé temi ona, Divizaun Polítika Planeamentu no Rekursus Umanus (DIP-PRU) koajuvadu husi Ofisial Senior Planeamentu Monitorizasaun no Avaliasaun, Ofisial Dezenvolvimento Institusional, Ofisial Dezenvolvimentu Institusional (ODI), Asistente Programa, no Asistente Administrasaun.