Introdusaun
Divizaun Edukasaun no Formasaun (DEF) hanesan orgaun sentrál Centro Nacional Chega!I.P ne’ebé estabelese ho misaun mak responsabiliza ba servisu hotu iha área edukasaun no kapasitasaun ho métodu aplikavel hodi promove no realiza misaun Centro Chega!I.P ne’ebé toma responsabilidade direta ba Diretór Ezekutivu.
Atribuisaun Servisu
Hamatan ba papel Centro Chega!I.P mak hatuur iha dekretu lei nu. 48/2016, DEF mak hala’o kna’ar sira hodi sosializa no sensibiliza públiku kona-ba Relatóriu Chega! CVA.
a) Disemina relatóriu sira CAVR no CVA nian liu husi organizasaun kriativu, nomós atividade formativa no edukativa sira ba komunidade.
b) Elabora kontéudu públikasaun relevante iha área ka papel Centro Chega!I.P ho karakter edukativu, vokasionál ba ensinu, utilidade matereál mak dezenvolve husi Divizaun Prezervasaun no Memórializasaun.
c) Dezenvolve metodolojia ensinu ba foinsa’e Timoroan bazeia ba istória no esperiénsia konkreta Timor-Leste nian.
d) Dezenvolve no implementa asaun vizíta fatin istóriku, promove asesu informasaun istórika iha ámbitu memória koletiva nian kona-ba violasaun direitus umanus sira.
e) Dezenvolve no implementa atividade edukativa sira ba públiku tomak no grupu alvu espesífiku hodi dignifika istória atravez transmisaun memória interjerasionál.
f) Realizasaun formasaun ho grupu alvu espesífiku, tuir planu Centro Chega! nian.
g) Promove integrasaun kontéudu istórika iha ámbitu misaun Centro Chega! nian ba kuríkulu edukativu mak estabelese ba eskola sira no mos instituisaun ensinu superior.
h) Administra biblioteka Centro Chega!I.P, promove asesu ba arkivu bibliográfiku nian mak kualidade ho sistema jestaun efetivu, no mos habelar ba públiku.
i) Administra biblioteka Centro Chega!I.P nian, koordena ho Divizaun Finansa no Opersionál (DFO) hodi fa’an produtu sira mak iha hodi hetan reseita ba Centro Chega!I.P.
j) Asegura servisu relevante sira ba garante utilizasaun no asesu ba muzeu Comarca Balide, asegura espozisaun relevante iha Muzeu Chega! no servisu monitor muzeu nian.
k) Servisu hamutuk ho peritu sira hodi dezenvolve materia audiovizuál ba relatóriu Chega!, koordena ho Minstériu Edukasuan (MW), ba materia mak relasiona ho área edukativa.
l) Apoia dezenvolvimentu materiál sira sensibilizasaun no formasaun kona-ba istória vítima Timoroan sira nian.
m) Kontribui ba elaborasaun planu Centro Chega!I.P, nomeadamente Planu Estratéjiku, Planu Asaun Anuál, no mos relatóriu sira.
n) Implementa rekomendasaun relevante sira husi Konsellu Administrasaun no Konsellu Asesoria Internasionál Centro Chega!I.P nian.
o) Halo servisu seluk mak hato’o husi superior.
Organograma
Atu ezekuta atribuisaun hirak ne’ebé temi ona, Divizaun Edukasaun no Formasaun (DEF) koajuvadu husi Ofisiál Seniór Programa Edukasaun, Ofisiál Edukasaun no Formasaun, Ofisiál Biblioteka no Tour Guide, no Ofisiál Programa Transmisaun Memória no mos Asisténte Programa.