Dili, loron 3 Agostu 2020, Diretór Ezekutivu Centro Nacional Chega! I.P. Sr. Hugo Maria Fernandes hala’o enkontru ho Diretór Ezekutivu Arquivo & Museu da Resistencia Timorense AMRT I.P. Sr. Antoninho Baptista Alves ‘HAMAR’, iha Edifisiu AMRT Dili.
Iha enkontru ne’e, parte rua ko’alia kona-ba estabelesimentu parseria entre Centro Chega!.I.P no AMRT I.P. ne’ebé sei selebra iha tinan 2020, nune’e bele implementa iha tinan fiskál 2021 nian ba oin.
Durante ne’e, Públiku nia interpretasaun kona-ba Centro Chega!.I.P no AMRT I.P. iha Misaun no Knar ne’ebé hanesan, maibé bazeia ba Dekretu Lei, Instituisaun Públiku Rua ne’e iha misaun no knaar ne’ebé diferente. Pontu diferente sira ne’e mak hanesan:
- Centro Chega!: Centro Memória, sai fatin Peskiza no aprendijazen, promove implementasaun Rekomendasaun CAVR no CVA, Soliedariedae ba Sobrevivente Vulneravel liu hosi violasaun Direitus Umanus iha pasadu (1974-1999).
- AMRT: Preserva, valoriza no divulga memória luta Rezisténsia no kultura Povu Timor-nian.
Husi pontu diferente sira ne’e mak parte rua diskute, atu bele estabelese parseira hodi halo nia knar no kompeténsia sira ne’ebé atribui ona ba instituisaun rua ne’e.