Dili, (17 Abril 2026) – Centro Nacional Chega!I.P organiza workshop kona-ba kompetisaun hakerek ensaiu reflektivu bazeia ba Arkivu Centro Chega!I.P tinan 2026. Workshop ne’e partisipa husi konkorete ka selesionadu sira ne’ebé liu iha selesaun kompetisaun hakerek ensaiu reflektivu, ne’ebé hala’o iha Museu Chega!, Antigo Comarca Balide.
Diretór Ezekutivu Centro Nacional Chega!I.P, Hugo Maria Fernandes iha abertura, husu ba konkorete ka selesionadu sira ne’ebé partisipa iha workshop ne’e atu aproveita didi’ak oportunidade ne’e hodi aprende kona-ba oinsa utiliza arkivu ne’e ho di’ak no bele hasa’e koñesimentu.
Diretór haktuir, arkivu ne’e buat simples ida maibe iha kontextu justisa tranzitóriu, arkivu knar ida importante, tanba husi arkivu ita bele elabora narativu sa mak akontese pasadu no dokumentu sira ne’ebé iha arkivu sai prova iha prosesu justisa.
Nia hatutan tan, istória ema haree hanean buat todan ida, maibé bele transforma arkivu no dokumentus sira, istória narativa sira iha arkivu bele hafasil ema atu komprende. Iha kontestu ida ne’e mak Centro Chega!I.P hola inisiativa ida loke kompetisaun hakerek ensaiu refletivu liga ba istória pasadu, ne’e atu introduz para kontribui ema asesu arkivu.
Klaru ita haree no lee memória todan sira, ita ne’ebé asesu dirietamente ita sei afeitadu ho memória ema nian. Entaun ita lakoi situasaun todan ne’e ita transmite ba ema seluk. Entaun ideia ida ne’e mak ita introduz depois ho ita boot sira nia maneira haree bele introduz fali memória moruk ne’e halo ema sente metin no besik liu.
Entertantu, workshop ne’e organiza husi Centro Chega!I.P liu husi Divizaun Prezervasaun no Memórializasaun (DPM) no partisipa husi konkorete ka selesionadu sira hamutuk na’in 25 ne’ebé liu iha kompetisaun hakerek ensaiu reflektivu bazeia ba Arkivu Centro Chega!I.P tinan 2026.
Media Chega!.