Dili, 12 Dezembru 2022 – Diretór Ezekutivu Centro Nacional Chega!I.P, Hugo Maria Fernandes simu sertifikadu apresiasaun husi instituisaun Global Campus of Human Rigths (GCHR), Uniaun Europea (UE) no Universidade Nacional Timor-Lorosa’e (UNTL).
Sertifikadu apresiasaun ne’e entrega husi Reitór Universidade Nacional Timor-Lorosa’e (UNTL), João Soares Martins no Sekretáriu Jerál Global Campus of Human Rights (GCHR), Manfred Nowak, iha Palasiu Prezidensial, Aitarak Laran, Dili.
Objetivu GCHR, UE no UNTL entrega sertifikadu apresiasaun ba Centro Nacional Chega!I.P, Provedoria dos Direitos Humanus (PDHJ-Português) no Reprezentante Rezidensial Organizasaun Nasoes Unidas (ONU) iha Timor-Leste.
Razaun entrega sertifikadu apresiasaun ba Centro Chega!, PDHJ no Reprezentante Rezidensial Organizasaun Nasoes Unidas (ONU) iha Timor-Leste tanba durante sira halo kooperasaun servisu ida ne’ebé mak di’ak iha área direitus umanus.
Sertifikadu ne’e atribui iha ámbitu serimonia atribuisaun Prémiu Direitus Umanus Sérgio V. de Mello tinan 2022 ba dala-15 no partisipa husi Prezidente Parlamentu Nasionál (PPN), Aniceto Longuinhos Guterres Lopes no Xefe Kasa Sivil, Bendito Freitas no seluk tan.
Media Chega!